ܝܓ. ואתא עוג דאישׁתזיב מן גנבריא דמיתו בטובענא ורכב עילוי תיבותא והוה גננא על רישׁיה והוה מתפרנס מן מזונוי דנח ולא בזכותיה אישׁתזב אלהין דייחמון דיירי עלמא גבורתא דייי וימרון הלא גיבריא דהוו מלקדמין מרדו במרי עלמא ושׁיציאונון מן ארעא וכד אגחו מלכיא האילין הוה עוג עימהון אמר בליביה איזיל ואחוי לאברם על עיסק לוט דאישׁתבי ויתי לשׁיזבותיה מן ידיהון דמלכיא ויתמסר בידיהון עאל אתא במעלי יומא דפיסחא אשׁכחיה דהוה עביד גריצן פטירן בכן חוי לאברם עיברא והוא הוה שׁרי בחזוי ממרא אמוראה אחוי דאשׁכל ואחוי דענר והינון הוו מריה קיימיה דאברם