א. למנצח לבני קרח מזמור רצית יהוה ארצך שבת שבות יעקב:
ב. נשאת עון עמך כסית כל חטאתם סלה:
ג. אספת כל עברתך השיבות מחרון אפך:
ד. שובנו אלהי ישענו והפר כעסך עמנו:
ה. הלעולם תאנף בנו תמשך אפך לדר ודר:
ו. הלא אתה תשוב תחינו ועמך ישמחו בך:
ז. הראנו יהוה חסדך וישעך תתן לנו:
ח. אשמעה מה ידבר האל יהוה כי ידבר שלום אל עמו ואל חסידיו ואל ישובו לכסלה:
ט. אך קרוב ליראיו ישעו לשכן כבוד בארצנו:
י. חסד ואמת נפגשו צדק ושלום נשקו:
יא. אמת מארץ תצמח וצדק משמים נשקף:
יב. גם יהוה יתן הטוב וארצנו תתן יבולה:
יג. צדק לפניו יהלך וישם לדרך פעמיו: