א. מזמור שיר ליום השבת טוב להדות ליהוה ולזמר לשמך עליון:
ב. להגיד בבקר חסדך ואמונתך בלילות:
ג. עלי עשור ועלי נבל עלי הגיון בכנור:
ד. כי שמחתני יהוה בפעלך במעשי ידיך ארנן:
ה. מה גדלו מעשיך יהוה מאד עמקו מחשבתיך:
ו. איש בער לא ידע וכסיל לא יבין את זאת:
ז. בפרח רשעים כמו עשב ויציצו כל פעלי און להשמדם עדי עד:
ט. כי הנה איביך יהוה כי הנה איביך יאבדו יתפרדו כל פעלי און:
י. ותרם כראים קרני בלתי בשמן רענן:
יא. ותבט עיני בשורי בקמים עלי מרעים תשמענה אזני:
יב. צדיק כתמר יפרח כארז בלבנון ישגה:
יג. שתולים בבית יהוה בחצרות אלהינו יפריחו:
יד. עוד ינובון בשיבה דשנים ורעננים יהיו:
טו. להגיד כי ישר יהוה צורי ולא עלתה בו: