א. וַיַּעַן אִיֹּוב וַיֹּאמַר׃
ב. מֶה־עָזַרְתָּ לְלֹא־כֹחַ הֹושַׁעְתָּ זְרֹועַ לֹא־עֹז׃
ג. מַה־יָּעַצְתָּ לְלֹא חָכְמָה וְתוּשִׁיָּה לָרֹב הֹודָעְתָּ׃
ד. אֶת־מִי הִגַּדְתָּ מִלִּין וְנִשְׁמַת־מִי יָצְאָה מִמֶּךָּ׃
ה. הָרְפָאִים יְחֹולָלוּ מִתַּחַת מַיִם וְשֹׁכְנֵיהֶם׃
ו. עָרֹום שְׁאֹול נֶגְדֹּו וְאֵין כְּסוּת לָאֲבַדֹּון׃
ז. נֹטֶה צָפֹון עַל־תֹּהוּ תֹּלֶה אֶרֶץ עַל־בְּלִי־מָה׃
ח. צֹרֵר־מַיִם בְּעָבָיו וְלֹא־נִבְקַע עָןָן תַּחְתָּם׃
ט. מְאַחֵז פְּנֵי־כִסֵּה פַּרְשֵׁז עָלָיו עֲנָנֹו׃
י. חֹק־חָג עַל־פְּנֵי־מָיִם עַד־תַּכְלִית אֹור עִם־חֹשֶׁךְ׃
יא. עַמּוּדֵי שָׁמַיִם יְרֹופָפוּ וְיִתְמְהוּ מִגַּעֲרָתֹו׃
יב. בְּכֹחֹו רָגַע הַיָּם [כ= וּבִתוּבְנָתֹו] [ק= וּבִתְבוּנָתֹו] מָחַץ רָהַב׃
יג. בְּרוּחֹו שָׁמַיִם שִׁפְרָה חֹלֲלָה* יָדֹו נָחָשׁ בָּרִיחַ׃
יד. הֶן־אֵלֶּה קְצֹות [כ= דַּרְכֹּו] [ק= דְּרָכָיו] וּמַה־שֵּׁמֶץ דָּבָר נִשְׁמַע־בֹּו וְרַעַם [כ= גְּבוּרָתֹו] [ק= גְּבוּרֹותָיו*] מִי יִתְבֹּוןָן׃ ס