א. א ולבני אהרן מחלקותם בני אהרן--נדב ואביהוא אלעזר ואיתמר
ב. ב וימת נדב ואביהוא לפני אביהם ובנים לא היו להם ויכהנו אלעזר ואיתמר
ג. ג ויחלקם דויד--וצדוק מן בני אלעזר ואחימלך מן בני איתמר לפקדתם בעבדתם
ד. ד וימצאו בני אלעזר רבים לראשי הגברים מן בני איתמר--ויחלקום לבני אלעזר ראשים לבית אבות ששה עשר ולבני איתמר לבית אבותם שמונה
ה. ה ויחלקום בגורלות אלה עם אלה כי היו שרי קדש ושרי האלהים מבני אלעזר ובבני איתמר {ס}
ו. ו ויכתבם שמעיה בן נתנאל הסופר מן הלוי לפני המלך והשרים וצדוק הכהן ואחימלך בן אביתר וראשי האבות לכהנים וללוים--בית אב אחד אחז לאלעזר ואחז אחז לאיתמר {פ}
ז. ז ויצא הגורל הראשון ליהויריב {ס} לידעיה השני {ס}
ח. ח לחרם {ר} השלישי {ס} לשערים הרבעי {ס}
ט. ט למלכיה {ר} החמישי {ס} למימן הששי {ס}
י. י להקוץ {ר} השבעי {ס} לאביה השמיני {ס}
יא. יא לישוע {ר} התשעי {ס} לשכניהו העשרי {ס}
יב. יב לאלישיב {ר} עשתי עשר {ס} ליקים שנים עשר {ס}
יג. יג לחפה {ר} שלשה עשר {ס} לישבאב ארבעה עשר {ס}
יד. יד לבלגה {ר} חמשה עשר {ס} לאמר ששה עשר {ס}
טו. טו לחזיר שבעה {ר} עשר {ס} להפצץ שמונה עשר {ס}
טז. טז לפתחיה תשעה {ר} עשר {ס} ליחזקאל העשרים {ס}
יז. יז ליכין אחד {ר} ועשרים {ס} לגמול שנים ועשרים {ס}
יח. יח לדליהו שלשה {ר} ועשרים {ס} למעזיהו ארבעה ועשרים {פ}
יט. יט אלה פקדתם לעבדתם לבוא לבית יהוה כמשפטם ביד אהרן אביהם כאשר צוהו יהוה אלהי ישראל {פ}
כ. כ ולבני לוי הנותרים לבני עמרם שובאל לבני שובאל יחדיהו {ס}
כא. כא לרחביהו--לבני רחביהו הראש ישיה {ס}
כב. כב ליצהרי שלמות לבני שלמות יחת {ס}
כג. כג ובני יריהו אמריהו השני יחזיאל השלישי יקמעם הרביעי {ס}
כד. כד בני עזיאל מיכה לבני מיכה שמור (שמיר)
כה. כה אחי מיכה ישיה {ס} לבני ישיה זכריהו {ס}
כו. כו בני מררי מחלי ומושי {ס} בני יעזיהו בנו {ס}
כז. כז בני מררי--ליעזיהו בנו ושהם וזכור ועברי {ס}
כח. כח למחלי אלעזר ולא היה לו בנים {ס}
כט. כט לקיש בני קיש ירחמאל {ס}
ל. ל ובני מושי מחלי ועדר וירימות אלה בני הלוים לבית אבתיהם
לא. לא ויפילו גם הם גורלות לעמת אחיהם בני אהרן לפני דויד המלך וצדוק ואחימלך וראשי האבות לכהנים וללוים--אבות הראש לעמת אחיו הקטן {ס}