א. א ויבדל דויד ושרי הצבא לעבדה לבני אסף והימן וידותון הנביאים (הנבאים) בכנרות בנבלים ובמצלתים ויהי מספרם אנשי מלאכה לעבדתם
ב. ב לבני אסף זכור ויוסף ונתניה ואשראלה--בני אסף על יד אסף הנבא על ידי המלך
ג. ג לידותון--בני ידותון גדליהו וצרי וישעיהו חשביהו ומתתיהו ששה על ידי אביהם ידותון בכנור הנבא על הדות והלל ליהוה {ס}
ד. ד להימן--בני הימן בקיהו מתניהו עזיאל שבואל וירימות חנניה חנני אליאתה גדלתי ורממתי עזר ישבקשה מלותי הותיר מחזיאת
ה. ה כל אלה בנים להימן חזה המלך בדברי האלהים--להרים קרן ויתן האלהים להימן בנים ארבעה עשר--ובנות שלוש
ו. ו כל אלה על ידי אביהם בשיר בית יהוה במצלתים נבלים וכנרות לעבדת בית האלהים--על ידי המלך אסף וידותון והימן
ז. ז ויהי מספרם עם אחיהם מלמדי שיר ליהוה כל המבין--מאתים שמונים ושמונה
ח. ח ויפילו גורלות משמרת לעמת כקטן כגדול--מבין עם תלמיד {פ}
ט. ט ויצא הגורל הראשון לאסף--ליוסף {ס} גדליהו השני--הוא ואחיו {ר} ובניו שנים עשר {ס}
י. י השלשי זכור בניו ואחיו שנים {ר} עשר {ס}
יא. יא הרביעי ליצרי--בניו ואחיו שנים עשר {ס}
יב. יב החמישי {ר} נתניהו בניו ואחיו שנים עשר {ס}
יג. יג הששי בקיהו בניו ואחיו שנים {ר} עשר {ס}
יד. יד השבעי ישראלה בניו ואחיו שנים עשר {ס}
טו. טו השמיני {ר} ישעיהו בניו ואחיו שנים עשר {ס}
טז. טז התשיעי מתניהו בניו ואחיו {ר} שנים עשר {ס}
יז. יז העשירי שמעי בניו ואחיו שנים עשר {ס}
יח. יח עשתי {ר} עשר עזראל בניו ואחיו שנים עשר {ס}
יט. יט השנים עשר לחשביה {ר} בניו ואחיו שנים עשר {ס}
כ. כ לשלשה עשר שובאל בניו ואחיו שנים {ר} עשר {ס}
כא. כא לארבעה עשר מתתיהו בניו ואחיו שנים עשר {ס}
כב. כב לחמשה {ר} עשר לירמות בניו ואחיו שנים עשר {ס}
כג. כג לששה עשר לחנניהו בניו {ר} ואחיו שנים עשר {ס}
כד. כד לשבעה עשר לישבקשה בניו ואחיו שנים {ר} עשר {ס}
כה. כה לשמונה עשר לחנני בניו ואחיו שנים עשר {ס}
כו. כו לתשעה {ר} עשר למלותי בניו ואחיו שנים עשר {ס}
כז. כז לעשרים לאליתה--בניו {ר} ואחיו שנים עשר {ס}
כח. כח לאחד ועשרים להותיר בניו ואחיו שנים {ר} עשר {ס}
כט. כט לשנים ועשרים לגדלתי בניו ואחיו שנים עשר {ס}
ל. ל לשלשה {ר} ועשרים למחזיאות בניו ואחיו שנים עשר {ס}
לא. לא לארבעה ועשרים {ר} לרוממתי עזר בניו ואחיו שנים עשר {פ}