ב. ב גם-היום מרי שחי ידי כבדה על-אנחתי
ג. ג מי-יתן ידעתי ואמצאהו אבוא עד-תכונתו
ד. ד אערכה לפניו משפט ופי אמלא תוכחות
ה. ה אדעה מלים יענני ואבינה מה-יאמר לי
ו. ו הברב-כח יריב עמדי לא אך-הוא ישם בי
ז. ז שם--ישר נוכח עמו ואפלטה לנצח משפטי
ח. ח הן קדם אהלך ואיננו ואחור ולא-אבין לו
ט. ט שמאול בעשתו ולא-אחז יעטף ימין ולא אראה
י. י כי-ידע דרך עמדי בחנני כזהב אצא
יא. יא באשרו אחזה רגלי דרכו שמרתי ולא-אט
יב. יב מצות שפתיו ולא אמיש מחקי צפנתי אמרי-פיו
יג. יג והוא באחד ומי ישיבנו ונפשו אותה ויעש
יד. יד כי ישלים חקי וכהנה רבות עמו
טו. טו על-כן מפניו אבהל אתבונן ואפחד ממנו
טז. טז ואל הרך לבי ושדי הבהילני
יז. יז כי-לא נצמתי מפני-חשך ומפני כסה-אפל