א. א ויען יהוה את-איוב ויאמר
ב. ב הרב עם-שדי יסור מוכיח אלוה יעננה
ג. ג ויען איוב את-יהוה ויאמר
ד. ד הן קלתי מה אשיבך ידי שמתי למו-פי
ה. ה אחת דברתי ולא אענה ושתים ולא אוסיף
ו. ו ויען-יהוה את-איוב מנסערה (מן סערה) ויאמר
ז. ז אזר-נא כגבר חלציך אשאלך והודיעני
ח. ח האף תפר משפטי תרשיעני למען תצדק
ט. ט ואם-זרוע כאל לך ובקול כמהו תרעם
י. י עדה נא גאון וגבה והוד והדר תלבש
יא. יא הפץ עברות אפך וראה כל-גאה והשפילהו
יב. יב ראה כל-גאה הכניעהו והדך רשעים תחתם
יג. יג טמנם בעפר יחד פניהם חבש בטמון
יד. יד וגם-אני אודך כי-תושע לך ימינך
טו. טו הנה-נא בהמות אשר-עשיתי עמך חציר כבקר יאכל
טז. טז הנה-נא כחו במתניו ואונו בשרירי בטנו
יז. יז יחפץ זנבו כמו-ארז גידי פחדו ישרגו
יח. יח עצמיו אפיקי נחשה גרמיו כמטיל ברזל
יט. יט הוא ראשית דרכי-אל העשו יגש חרבו
כ. כ כי-בול הרים ישאו-לו וכל-חית השדה ישחקו-שם
כא. כא תחת-צאלים ישכב-- בסתר קנה ובצה
כב. כב יסכהו צאלים צללו יסבוהו ערבי-נחל
כג. כג הן יעשק נהר לא יחפוז יבטח כי-יגיח ירדן אל-פיהו
כד. כד בעיניו יקחנו במוקשים ינקב-אף [ (Job 40:25) כה תמשך לויתן בחכה ובחבל תשקיע לשנו ] [ (Job 40:26) כו התשים אגמן באפו ובחוח תקב לחיו ] [ (Job 40:27) כז הירבה אליך תחנונים אם-ידבר אליך רכות ] [ (Job 40:28) כח היכרת ברית עמך תקחנו לעבד עולם ] [ (Job 40:29) כט התשחק-בו כצפור ותקשרנו לנערותיך ] [ (Job 40:30) ל יכרו עליו חברים יחצוהו בין כנענים ] [ (Job 40:31) לא התמלא בשכות עורו ובצלצל דגים ראשו ] [ (Job 40:32) לב שים-עליו כפך זכר מלחמה אל-תוסף ]