א. א הללו-יה אודה יהוה בכל-לבב בסוד ישרים ועדה
ב. ב גדלים מעשי יהוה דרושים לכל-חפציהם
ג. ג הוד-והדר פעלו וצדקתו עמדת לעד
ד. ד זכר עשה לנפלאותיו חנון ורחום יהוה
ה. ה טרף נתן ליראיו יזכר לעולם בריתו
ו. ו כח מעשיו הגיד לעמו-- לתת להם נחלת גוים
ז. ז מעשי ידיו אמת ומשפט נאמנים כל-פקודיו
ח. ח סמוכים לעד לעולם עשוים באמת וישר
ט. ט פדות שלח לעמו-- צוה-לעולם בריתו קדוש ונורא שמו
י. י ראשית חכמה יראת יהוה-- שכל טוב לכל-עשיהם תהלתו עמדת לעד