ב. ב חלצני יהוה מאדם רע מאיש חמסים תנצרני
ג. ג אשר חשבו רעות בלב כל-יום יגורו מלחמות
ד. ד שננו לשונם כמו-נחש חמת עכשוב--תחת שפתימו סלה
ה. ה שמרני יהוה מידי רשע-- מאיש חמסים תנצרני אשר חשבו לדחות פעמי
ו. ו טמנו גאים פח לי-- וחבלים פרשו רשת ליד-מעגל מקשים שתו-לי סלה
ז. ז אמרתי ליהוה אלי אתה האזינה יהוה קול תחנוני
ח. ח יהוה אדני עז ישועתי סכתה לראשי ביום נשק
ט. ט אל-תתן יהוה מאויי רשע זממו אל-תפק ירומו סלה
י. י ראש מסבי-- עמל שפתימו יכסומו (יכסימו)
יא. יא ימיטו (ימוטו) עליהם גחלים באש יפלם במהמרות בל-יקומו
יב. יב איש לשון בל-יכון בארץ איש-חמס רע--יצודנו למדחפת
יג. יג ידעת (ידעתי)--כי-יעשה יהוה דין עני משפט אבינים [ (Psalms 140:14) יד אך צדיקים יודו לשמך ישבו ישרים את-פניך ]