א. א מזמור לדוד יהוה קראתיך חושה לי האזינה קולי בקראי-לך
ב. ב תכון תפלתי קטרת לפניך משאת כפי מנחת-ערב
ג. ג שיתה יהוה שמרה לפי נצרה על-דל שפתי
ד. ד אל-תט-לבי לדבר רע להתעולל עללות ברשע-- את-אישים פעלי-און ובל-אלחם במנעמיהם
ה. ה יהלמני צדיק חסד ויוכיחני-- שמן ראש אל-יני ראשי כי-עוד ותפלתי ברעותיהם
ו. ו נשמטו בידי-סלע שפטיהם ושמעו אמרי כי נעמו
ז. ז כמו פלח ובקע בארץ-- נפזרו עצמינו לפי שאול
ח. ח כי אליך יהוה אדני עיני בכה חסיתי אל-תער נפשי
ט. ט שמרני--מידי פח יקשו לי ומקשות פעלי און
י. י יפלו במכמריו רשעים יחד אנכי עד-אעבור