א. א מזמור שיר-חנכת הבית לדוד
ב. ב ארוממך יהוה כי דליתני ולא-שמחת איבי לי
ג. ג יהוה אלהי-- שועתי אליך ותרפאני
ד. ד יהוה--העלית מן-שאול נפשי חייתני מיורדי- (מירדי-) בור
ה. ה זמרו ליהוה חסידיו והודו לזכר קדשו
ו. ו כי רגע באפו-- חיים ברצונו בערב ילין בכי ולבקר רנה
ז. ז ואני אמרתי בשלוי-- בל-אמוט לעולם
ח. ח יהוה-- ברצונך העמדתה להררי-עז הסתרת פניך הייתי נבהל
ט. ט אליך יהוה אקרא ואל-אדני אתחנן
י. י מה-בצע בדמי ברדתי אל-שחת היודך עפר היגיד אמתך
יא. יא שמע-יהוה וחנני יהוה היה-עזר לי
יב. יב הפכת מספדי למחול לי פתחת שקי ותאזרני שמחה [ (Psalms 30:13) יג למען יזמרך כבוד-- ולא ידם יהוה אלהי לעולם אודך ]