ב. ב קוה קויתי יהוה ויט אלי וישמע שועתי
ג. ג ויעלני מבור שאון-- מטיט היון ויקם על-סלע רגלי כונן אשרי
ד. ד ויתן בפי שיר חדש-- תהלה לאלהינו יראו רבים וייראו ויבטחו ביהוה
ה. ה אשרי הגבר-- אשר-שם יהוה מבטחו ולא-פנה אל-רהבים ושטי כזב
ו. ו רבות עשית אתה יהוה אלהי-- נפלאתיך ומחשבתיך אלינו אין ערך אליך--אגידה ואדברה עצמו מספר
ז. ז זבח ומנחה לא-חפצת-- אזנים כרית לי עולה וחטאה לא שאלת
ח. ח אז אמרתי הנה-באתי במגלת-ספר כתוב עלי
ט. ט לעשות-רצונך אלהי חפצתי ותורתך בתוך מעי
י. י בשרתי צדק בקהל רב-- הנה שפתי לא אכלא יהוה אתה ידעת
יא. יא צדקתך לא-כסיתי בתוך לבי-- אמונתך ותשועתך אמרתי לא-כחדתי חסדך ואמתך לקהל רב
יב. יב אתה יהוה-- לא-תכלא רחמיך ממני חסדך ואמתך תמיד יצרוני
יג. יג כי אפפו-עלי רעות עד-אין מספר-- השיגוני עונתי ולא-יכלתי לראות עצמו משערות ראשי ולבי עזבני
יד. יד רצה יהוה להצילני יהוה לעזרתי חושה
טו. טו יבשו ויחפרו יחד-- מבקשי נפשי לספותה יסגו אחור ויכלמו-- חפצי רעתי
טז. טז ישמו על-עקב בשתם-- האמרים לי האח האח
יז. יז ישישו וישמחו בך-- כל-מבקשיך יאמרו תמיד יגדל יהוה-- אהבי תשועתך [ (Psalms 40:18) יח ואני עני ואביון-- אדני יחשב-לי עזרתי ומפלטי אתה אלהי אל-תאחר ]