א. א למנצח לבני-קרח-- על-עלמות שיר
ב. ב אלהים לנו מחסה ועז עזרה בצרות נמצא מאד
ג. ג על-כן לא-נירא בהמיר ארץ ובמוט הרים בלב ימים
ד. ד יהמו יחמרו מימיו ירעשו הרים בגאותו סלה
ה. ה נהר--פלגיו ישמחו עיר-אלהים קדש משכני עליון
ו. ו אלהים בקרבה בל-תמוט יעזרה אלהים לפנות בקר
ז. ז המו גוים מטו ממלכות נתן בקולו תמוג ארץ
ח. ח יהוה צבאות עמנו משגב-לנו אלהי יעקב סלה
ט. ט לכו-חזו מפעלות יהוה-- אשר-שם שמות בארץ
י. י משבית מלחמות עד-קצה הארץ קשת ישבר וקצץ חנית עגלות ישרף באש
יא. יא הרפו ודעו כי-אנכי אלהים ארום בגוים ארום בארץ [ (Psalms 46:12) יב יהוה צבאות עמנו משגב-לנו אלהי יעקב סלה ]