א. א למנצח לבני-קרח מזמור
ב. ב כל-העמים תקעו-כף הריעו לאלהים בקול רנה
ג. ג כי-יהוה עליון נורא מלך גדול על-כל-הארץ
ד. ד ידבר עמים תחתינו ולאמים תחת רגלינו
ה. ה יבחר-לנו את-נחלתנו את גאון יעקב אשר-אהב סלה
ו. ו עלה אלהים בתרועה יהוה בקול שופר
ז. ז זמרו אלהים זמרו זמרו למלכנו זמרו
ח. ח כי מלך כל-הארץ אלהים-- זמרו משכיל
ט. ט מלך אלהים על-גוים אלהים ישב על-כסא קדשו [ (Psalms 47:10) י נדיבי עמים נאספו-- עם אלהי אברהם כי לאלהים מגני-ארץ-- מאד נעלה ]