ב. ב בבוא-אליו נתן הנביא-- כאשר-בא אל-בת-שבע
ג. ג חנני אלהים כחסדך כרב רחמיך מחה פשעי
ד. ד הרבה (הרב) כבסני מעוני ומחטאתי טהרני
ה. ה כי-פשעי אני אדע וחטאתי נגדי תמיד
ו. ו לך לבדך חטאתי והרע בעיניך עשיתי למען תצדק בדברך-- תזכה בשפטך
ז. ז הן-בעוון חוללתי ובחטא יחמתני אמי
ח. ח הן-אמת חפצת בטחות ובסתם חכמה תודיעני
ט. ט תחטאני באזוב ואטהר תכבסני ומשלג אלבין
י. י תשמיעני ששון ושמחה תגלנה עצמות דכית
יא. יא הסתר פניך מחטאי וכל-עונתי מחה
יב. יב לב טהור ברא-לי אלהים ורוח נכון חדש בקרבי
יג. יג אל-תשליכני מלפניך ורוח קדשך אל-תקח ממני
יד. יד השיבה לי ששון ישעך ורוח נדיבה תסמכני
טו. טו אלמדה פשעים דרכיך וחטאים אליך ישובו
טז. טז הצילני מדמים אלהים-- אלהי תשועתי תרנן לשוני צדקתך
יז. יז אדני שפתי תפתח ופי יגיד תהלתך
יח. יח כי לא-תחפץ זבח ואתנה עולה לא תרצה
יט. יט זבחי אלהים רוח נשברה לב-נשבר ונדכה-- אלהים לא תבזה [ (Psalms 51:20) כ היטיבה ברצונך את-ציון תבנה חומות ירושלם ] [ (Psalms 51:21) כא אז תחפץ זבחי-צדק עולה וכליל אז יעלו על-מזבחך פרים ]