ב. ב בבוא דואג האדמי-- ויגד לשאול ויאמר לו-- בא דוד אל-בית אחימלך
ג. ג מה-תתהלל ברעה הגבור חסד אל כל-היום
ד. ד הוות תחשב לשונך כתער מלטש עשה רמיה
ה. ה אהבת רע מטוב שקר מדבר צדק סלה
ו. ו אהבת כל-דברי-בלע לשון מרמה
ז. ז גם-אל יתצך לנצח יחתך ויסחך מאהל ושרשך מארץ חיים סלה
ח. ח ויראו צדיקים וייראו ועליו ישחקו
ט. ט הנה הגבר-- לא ישים אלהים מעוזו ויבטח ברב עשרו יעז בהותו [ (Psalms 52:10) י ואני כזית רענן-- בבית אלהים בטחתי בחסד-אלהים עולם ועד ] [ (Psalms 52:11) יא אודך לעולם כי עשית ואקוה שמך כי-טוב נגד חסידיך ]