א. א למנצח אל-הנחילות מזמור לדוד
ב. ב אמרי האזינה יהוה בינה הגיגי
ג. ג הקשיבה לקול שועי--מלכי ואלהי כי-אליך אתפלל
ד. ד יהוה--בקר תשמע קולי בקר אערך-לך ואצפה
ה. ה כי לא אל חפץ רשע אתה לא יגרך רע
ו. ו לא-יתיצבו הוללים לנגד עיניך שנאת כל-פעלי און
ז. ז תאבד דברי כזב איש-דמים ומרמה יתעב יהוה
ח. ח ואני--ברב חסדך אבוא ביתך אשתחוה אל-היכל-קדשך ביראתך
ט. ט יהוה נחני בצדקתך--למען שוררי הושר (הישר) לפני דרכך
י. י כי אין בפיהו נכונה--קרבם הוות קבר-פתוח גרנם לשונם יחליקון
יא. יא האשימם אלהים-- יפלו ממעצותיהם ברב פשעיהם הדיחמו-- כי-מרו בך
יב. יב וישמחו כל-חוסי בך לעולם ירננו-- ותסך עלימו ויעלצו בך אהבי שמך [ (Psalms 5:13) יג כי-אתה תברך צדיק יהוה--כצנה רצון תעטרנו ]