א. א למנצח בנגינות על-השמינית מזמור לדוד
ב. ב יהוה אל-באפך תוכיחני ואל-בחמתך תיסרני
ג. ג חנני יהוה כי אמלל-אני רפאני יהוה--כי נבהלו עצמי
ד. ד ונפשי נבהלה מאד ואת (ואתה) יהוה עד-מתי
ה. ה שובה יהוה חלצה נפשי הושיעני למען חסדך
ו. ו כי אין במות זכרך בשאול מי יודה-לך
ז. ז יגעתי באנחתי--אשחה בכל-לילה מטתי בדמעתי ערשי אמסה
ח. ח עששה מכעס עיני עתקה בכל-צוררי
ט. ט סורו ממני כל-פעלי און כי-שמע יהוה קול בכיי
י. י שמע יהוה תחנתי יהוה תפלתי יקח [ (Psalms 6:11) יא יבשו ויבהלו מאד--כל-איבי ישבו יבשו רגע ]