ב. ב אלהים אל-דמי-לך אל-תחרש ואל-תשקט אל
ג. ג כי-הנה אויביך יהמיון ומשנאיך נשאו ראש
ד. ד על-עמך יערימו סוד ויתיעצו על-צפוניך
ה. ה אמרו--לכו ונכחידם מגוי ולא-יזכר שם-ישראל עוד
ו. ו כי נועצו לב יחדו עליך ברית יכרתו
ז. ז אהלי אדום וישמעאלים מואב והגרים
ח. ח גבל ועמון ועמלק פלשת עם-ישבי צור
ט. ט גם-אשור נלוה עמם היו זרוע לבני-לוט סלה
י. י עשה-להם כמדין כסיסרא כיבין בנחל קישון
יא. יא נשמדו בעין-דאר היו דמן לאדמה
יב. יב שיתמו נדיבימו כערב וכזאב וכזבח וכצלמנע כל-נסיכימו
יג. יג אשר אמרו נירשה לנו-- את נאות אלהים
יד. יד אלהי שיתמו כגלגל כקש לפני-רוח
טו. טו כאש תבער-יער וכלהבה תלהט הרים
טז. טז כן תרדפם בסערך ובסופתך תבהלם
יז. יז מלא פניהם קלון ויבקשו שמך יהוה
יח. יח יבשו ויבהלו עדי-עד ויחפרו ויאבדו [ (Psalms 83:19) יט וידעו-- כי-אתה שמך יהוה לבדך עליון על-כל-הארץ ]