Hechos 3.25

25. Ñequio ndyuee profetas tquiaa Ty'o̱o̱ts'om ñ'oomtyeⁿ ndo' ‘o laxmaⁿ'yo' na nnda'yo' naya na cwit'mo̱o̱ⁿ joona' ndo' cha'xjeⁿ ñ'oom na seijndaa'ñetyeⁿ Ty'o̱o̱ts'om nda̱a̱ welooya na ñet'om teiyo quia tsoom nnom welooya Abraham: “Quii'ntaaⁿ nn'aⁿ tsjaaⁿ ‘naⁿ' na nncjaawi'cantyjoo' nluiiñe ts'aⁿ na njño̱o̱ⁿya na m'aⁿ'yo'. Ndo' nc'e juu nntio'naaⁿndyo̱ cha'tsondye nn'aⁿ tsjoomnancue.”