Exodus, Chapter 39 ܠ ܛ

ܐ. ܘܡܢ ܬܝܟܠܐ ܘܐܪܓܘܘܢܐ ܘܨܒܥ ܙܗܘܪܝ ܥܒܕܘ ܠܒܘܫܝ ܫܝܡܘܫܐ ܠܫܡܫܐ ܒܩܘܕܫܐ ܘܥܒܕܘ ܝܬ ܠܒܘܫܝ ܩܘܕܫܐ ܕܝ ܠܐܗܪܢ ܟܗܢܐ ܗܝܟܡܐ ܕܦܩܝܕ ܝܝܝ ܝܬ ܡܫܗ    ܒ. ܘܥܒܕ ܝܬ ܐܝܦܘܕܐ ܕܕܗܒܐ ܬܝܟܠܐ ܘܐܪܓܘܘܢܐ ܘܨܒܥ ܙܗܘܪܝ ܘܒܘܨ ܫܙܝܪ    ܓ. ܘܪܕܝܕܘ ܝܬ ܛܣܝ ܕܕܗܒܐ ܘܩܛܥܘ ܝܬܗܘܢ ܫܙܪܝܢ ܠܡܥܒܕ ܒܓܘ ܬܝܟܠܐ ܘܐܪܓܘܘܢܐ ܘܒܓܘ ܨܒܥ ܙܗܘܪܝ ܘܒܓܘ ܒܘܨܐ ܥܘܒܕ ܐܘܡܢ    ܕ. ܟܬܦܝܢ ܥܒܕܘ ܠܝܗ ܡܠܦܦܢ ܥܠ ܬܪܝܢ ܨܝܛܪܘܝ ܝܬܠܦܦ    ܗ. ܘܗܡܝܝܢ ܛܝܟܘܣܝܗ ܕܥܠܘܝ ܡܝܢܝܗ ܗܘܐ ܗܝ ܟܥܘܒܕܘܝ ܕܗܒܐ ܬܝܟܠܐ ܘܐܪܓܘܘܢܐ ܘܨܒܥ ܙܗܘܪܝ ܘܒܘܨ ܫܙܝܪ ܗܝܟܡܐ ܕܦܩܝܕ ܝܝܝ ܝܬ ܡܫܗ    ܘ. ܘܥܒܕܘ ܝܬ ܡܪܓܠܘܘܢ ܕܒܘܪܠܬܐ ܚܠܐ ܡܫܩܥܢ ܡܪܡܨܢ ܓܠܝܦܢ ܟܬܒ ܚܩܝܩ ܡܦܪܫ ܥܠ ܫܡܗܬ ܒܢܝ ܝܫܪܐܠ    ܙ. ܘܫܘܝ ܝܬܗܘܢ ܥܠ ܟܬܦܝ ܐܦܘܕܐ ܐܒܢܝ ܕܘܟܪܢܐ ܠܒܢܝ ܝܫܪܐܠ ܗܝܟܡܐ ܕܦܩܝܕ ܝܝܝ ܝܬ ܡܫܗ    ܚ. ܘܥܒܕ ܝܬ ܚܘܫܢܐ ܥܘܒܕ ܐܘܡܢ ܗܝ ܟܥܘܒܕ ܐܝܦܘܕܐ ܕܕܗܒܐ ܬܝܟܠܐ ܘܐܪܓܘܘܢܐ ܘܨܒܥ ܙܗܘܪܝ ܘܒܘܨ ܫܙܝܪ    ܛ. ܡܪܒܥ ܗܘܗ ܥܝܦ ܥܒܕܘ ܝܬ ܚܘܫܢܐ ܙܪܬܐ ܐܘܪܟܝܗ ܘܙܪܬܝܗ ܦܘܬܝܗ ܥܝܦ    ܝ. ܘܐܫܠܝܡܘ ܒܝܗ ܐܪܒܥܐ ܣܝܕܪܝܢ ܡܪܓܠܝܝܢ ܛܒܢ ܟܠ-ܩܒܠ ܐܪܒܥܬ ܛܪܝܓܘܢܝܢ ܕܥܠܡܐ ܣܕܪܐ ܩܡܝܝܬܐ ܣܡܘܩܬܐ ܝܪܘܩܬܐ ܘܒܪܩܬܐ ܣܝܕܪܐ ܚܕ ܘܥܠܝܗܘܢ ܚܩܝܩ ܘܡܦܪܫ ܫܡܗܬ ܬܠܬ ܫܝܒܛܝܐ ܪܐܘܒܢ ܫܡܥܘܢ ܘܠܘܝ    ܝܐ. ܘܫܘ ܣܝܕܪܐ ܬܝܢܝܝܢܐ ܐܝܙܡܘܪܕ ܘܣܦܝܪܝܢܘܢ ܘܟܕܟܘܕܝܢ ܘܥܠܝܗܘܢ ܚܩܝܩ ܘܡܦܪܫ ܫܡܗܬ ܬܠܬ ܫܝܒܛܝܐ ܝܗܘܕܗ ܕܢ ܘܢܦܬܠܝ    ܝܒ. ܘܫܘ ܣܝܕܪܐ ܬܠܝܬܐܗ ܩܢܟܝܪܝܢ ܘܛܪܩܝܢ ܘܥܝܢ ܥܝܓܠ ܘܥܠܝܗܘܢ ܚܩܝܩ ܘܡܦܪܫ ܫܡܗܬ ܬܠܬ ܫܝܒܛܝܐ ܓܕ ܐܫܪ ܘܝܫܫܟܪ    ܝܓ. ܘܫܘ ܣܝܕܪܐ ܪܒܝܥܐܗ ܟܪܘ ܝܡܐ ܪܒܐ ܘܒܘܪܠܬ ܚܠܐ ܘܡܪܓܢܝܬ ܐܦܢܛܘܪܝܢ ܘܥܠܝܗܘܢ ܚܩܝܩ ܘܡܦܪܫ ܫܡܗܬ ܬܠܬ ܫܝܒܛܝܐ ܙܒܠܘܢ ܝܘܣܦ ܘܒܢܝܡܢ ܡܫܩܥܢ ܡܪܡܨܢ ܒܕܗܒ ܒܐܫܠܡܘܬܗܘܢ    ܝܕ. ܘܡܪܓܠܝܬܐ ܥܠ ܫܡܗܬ ܒܢܝ ܝܫܪܐܠ ܬܪܝܣܝܪܝ ܥܠ ܫܡܗܬܗܘܢ ܟܬܒ ܓܠܝܦ ܚܩܝܩ ܘܡܦܪܫ ܗܝ ܟܓܠܘܦ ܕܥܝܙܩܐ ܓܒܪ ܡܪܓܠܝܬܝܗ ܥܠ ܫܡܝܗ ܠܬܪܝܣܪ ܫܒܛܝܐ    ܝܗ. ܘܥܒܕܘ ܥܠ ܚܘܫܢܐ ܫܝܫܠܢ ܡܬܚܡܢ ܥܘܒܕ ܩܠܝܥܐ ܕܕܗܒ ܕܟܝ    ܝܘ. ܘܥܒܕܘ ܬܪܬܝܢ ܡܪܡܨܢ ܕܕܗܒ ܘܬܪܬܝܢ ܥܝܙܩܢ ܕܕܗܒ ܘܝܗܒܘ ܝܬ ܬܪܬܝܢ ܥܝܙܝܩܬܐ ܥܠ ܬܪܝܢ ܨܝܛܪܝ ܚܘܫܢܐ    ܝܙ. ܘܝܗܒܘ ܬܪܬܝܢ ܩܠܝܥܢ ܕܕܗܒ ܥܠ ܬܪܬܝܢ ܥܝܙܩܝܬܐ ܥܠ ܨܝܛܪܝ ܚܘܫܢܐ    ܝܚ. ܘܝܬ ܬܪܬܝܢ ܩܠܝܥܢ ܕܡܣܕܪܢ ܥܠ ܬܪܝܢ ܨܝܛܪܘܝ ܝܗܒܘ ܥܠ ܬܪܬܝܢ ܡܪܡܨܬܐ ܘܝܗܒܘܢܘܢ ܥܠ ܟܬܦܝ ܐܦܘܕܐ ܟܠ-ܩܒܠ ܐܢܦܘܝ    ܝܛ. ܘܥܒܕܘ ܬܪܬܝܢ ܥܝܙܩܢ ܕܕܗܒ ܘܫܘܝܐܘ ܥܠ ܬܪܬܝܢ ܨܝܛܪܝ ܚܘܫܢܐ ܥܠ ܫܝܦܡܝܗ ܕܠܥܒܪܐ ܕܐܦܘܕܐ ܠܓܝܘ    ܟ. ܘܥܒܕܘ ܬܪܬܝܢ ܥܝܙܩܢ ܕܕܗܒ ܘܣܕܪܝܢܘܢ ܥܠ ܬܪܝܢ ܟܬܦܝ ܐܦܘܕܐ ܡܠܪܥ ܡܠܩܒܠ ܐܢܦܘܝ ܟܠ-ܩܒܠ ܒܝܬ-ܠܘܦܝ ܡܥܝܠܘܝ ܠܗܡܝܝܢ ܐܦܘܕܐ    ܟܐ. ܘܛܟܝܣܘ ܝܬ ܚܘܫܢܐ ܡܥܝܙܩܬܐ ܠܥܝܙܩܬ ܐܦܘܕܐ ܒܫܙܝܪ ܬܝܟܠܐ ܠܡܝܗܘܝ ܐܕܝܩ ܥܠ ܗܡܝܝܢ ܐܦܘܕܐ ܘܠܐ ܝܬܦܪܩ ܚܘܫܢܐ ܡܥܝܠܘܝ ܐܦܘܕܐ ܗܝܟܡܐ ܕܦܩܝܕ ܝܝܝ ܝܬ ܡܫܗ    ܟܒ. ܘܥܒܕ ܝܬ ܡܢܛܪ ܡܥܝܠܐ ܥܘܒܕ ܓܪܕܝ ܫܙܝܪ ܬܝܟܠܐ    ܟܓ. ܘܦܘ ܡܢܛܪ ܡܥܝܠܐ ܟܦܝܠ ܒܡܝܨܥܝܗ ܗܝ ܟܦܘ ܫܝܪܝܐ ܬܘܪܐ ܒܫܝܦܡܝܗ ܡܩܦ ܠܦܘܡܝܗ ܚܙܘܪ ܚܙܘܪ ܡܛܘܠ ܕܠܐ ܝܬܒܙܥ    ܟܕ. ܘܥܒܕܘ ܥܠ ܫܝܦܘܠܝ ܡܢܛܪ ܡܥܝܠܐ ܪܘܡܢܝܝܢ ܕܬܝܟܠܐ ܘܐܪܓܘܘܢܐ ܘܨܒܥ ܙܗܘܪܝ ܫܙܝܪ    ܟܗ. ܘܥܒܕܘ ܚܝܙܘܪܝܝܢ ܕܕܗܒ ܘܝܗܒܘ ܝܬ ܚܝܙܘܪܝܐ ܒܡܨܝܥܘܬ ܪܘܡܢܝܝܐ ܥܠ ܫܝܦܘܠܝ ܡܢܛܪ ܡܥܝܠܐ ܚܙܘܪ ܚܙܘܪ ܒܡܨܝܥܘܬ ܪܘܡܢܝܐ    ܟܘ. ܚܝܙܘܪܐ ܘܪܘܡܢܐ ܚܝܙܘܪܐ ܘܪܘܡܢܐ ܟܘܠܗܘܢ ܫܒܥܝܢ ܥܠ ܫܝܦܘܠܝ ܡܢܛܪ ܡܥܝܠܐ ܚܙܘܪ ܚܙܘܪ ܠܫܡܫܐ ܗܝܟܡܗ ܕܦܩܕ ܝܝܝ ܝܬ ܡܫܗ    ܟܙ. ܘܥܒܕܘ ܝܬ ܟܝܬܘܢܝܢ ܕܒܘܨ ܥܘܒܕ ܓܪܕܝ ܠܐܗܪܢ ܘܠܒܢܘܝ    ܟܚ. ܘܝܬ ܡܨܢܦܬܐ ܕܒܘܨܐ ܘܝܬ ܒܪܨܘܨ ܟܘܒܥܝܐ ܕܒܘܨܐ ܘܝܬ ܐܘܘܪܩܣܝ ܒܘܨܐ ܕܒܘܨ ܫܙܝܪ    ܟܛ. ܘܝܬ ܩܡܘܪܐ ܕܒܘܨ ܫܙܝܪ ܘܬܝܟܠܐ ܘܐܪܓܘܘܢܐ ܘܨܒܥ ܙܗܘܪܝ ܥܘܒܕ ܨܝܘܪ ܗܝܟܡܗ ܕܦܩܕ ܝܝܝ ܝܬ ܡܫܗ    ܠ. ܘܥܒܕܘ ܝܬ ܨܝܨܬ ܟܠܝܠܐ ܕܩܘܕܫܐ ܕܗܒ ܕܟܝ ܘܟܬܒܘ ܥܠܘܝ ܓܠܝܦ ܚܩܝܩ ܘܡܦܪܫ ܩܘܕܫ ܠܝܝܝ    ܠܐ. ܘܣܕܪܘ ܥܠܘܝ ܫܙܝܪ ܚܘܛܐ ܕܬܟܠܬܐ ܡܛܘܠ ܠܡܝܬܢ ܥܠ ܡܨܢܦܬܐ ܡܢ-ܠܥܝܠܐ ܕܬܦܝܠܐ ܕܪܝܫܐ ܗܝܟܡܐ ܕܦܩܝܕ ܝܝܝ ܝܬ ܡܫܗ    ܠ ܒ. ܘܫܠܝܡܬ ܟܠ ܥܝܒܝܕܬ ܡܫܟܢܐ ܡܫܟܢ ܙܝܡܢܐ ܘܥܒܕܘ ܒܢܝ ܝܫܪܐܠ ܗܝܟܡܐ ܕܦܩܝܕ ܝܝܝ ܝܬ ܡܫܗ ܗܝܟܕܝܢ ܥܒܕܘ    ܠ ܓ. ܘܐܝܬܝܘ ܝܬ ܡܫܟܢܐ ܠܘܬ ܡܫܗ ܠܒܝܬ-ܡܕܪܫܝܗ ܕܗܘܘ ܬܡܢ ܝܬܒܝܢ ܡܫܗ ܘܐܗܪܢ ܘܒܢܘܝ ܘܗܘܗ ܡܬܪܨ ܠܗܘܢ ܣܕܪ ܟܗܘܢܬܐ ܘܬܡܢ ܝܬܒܝܢ ܣܒܝ ܝܫܪܐܠ ܘܐܚܘܝܐܘ ܠܝܗ ܝܬ ܡܫܟܢܐ ܘܝܬ ܟܠ ܡܢܘܝ ܦܘܪܦܘܝ ܠܘܚܘܝ ܢܓܪܘܝ ܘܥܡܘܕܘܝ ܘܚܘܡܪܘܝ    ܠ ܕ. ܘܝܬ ܚܘܦܐܗ ܕܡܫܟܝ ܕܕܝܟܪܝ ܡܣܡܩܝ ܘܝܬ ܚܘܦܐܗ ܕܡܫܟܝ ܣܣܓܘܢܐ ܘܝܬ ܦܪܓܘܕܐ ܕܦܪܣܐ    ܠ ܗ. ܘܝܬ ܐܪܢܐ ܕܣܗܕܘܬܐ ܘܝܬ ܐܪܝܚܘܝ ܘܝܬ ܟܦܘܪܬܐ ܘܟܪܘܒܝܐ ܕܢܦܩܝܢ ܢܓܝܕ ܡܝܢܗ ܚܕ ܡܝܟܐ ܘܚܕ ܡܝܟܐ    ܠ ܘ. ܘܝܬ ܦܬܘܪܐ ܘܝܬ ܟܠ ܡܢܘܝ ܘܝܬ ܠܚ ܐܦܝܐ    ܠ ܙ. ܘܝܬ ܡܢܪܬܐ ܘܝܬ ܒܘܨܝܢܗܐ ܒܘܨܝܢܝ ܣܝܕܘܪܐ ܕܡܣܕܪܝܢ ܟܠ-ܩܒܠ ܫܒܥܬܝ ܟܘܟܒܝܐ ܕܢܗܝܓܝܢ ܒܫܝܛܪܝܗܘܢ ܒܪܩܝܥܐ ܒܝܡܡܐ ܘܒܠܝܠܝܐ ܘܝܬ ܡܝܫܚܐ ܕܐܢܗܪܘܬܐ    ܠ ܚ. ܘܝܬ ܡܕܒܚܐ ܕܕܗܒ ܘܝܬ ܡܝܫܚܐ ܕܪܒܘܬܐ ܘܝܬ ܩܛܪܬ ܒܘܣܡܝܐ ܘܝܬ ܦܪܣܐ ܕܒܬܪܥ ܡܫܟܢܐ    ܠ ܛ. ܘܝܬ ܡܕܒܚܐ ܕܢܚܫܐ ܘܝܬ ܩܢܩܠ ܕܢܚܫܐ ܕܝܠܝܗ ܝܬ ܐܪܝܚܘܝ ܘܝܬ ܟܠ ܡܢܘܝ ܝܬ ܟܝܘܪܐ ܘܝܬ ܒܣܝܣܝܗ    ܡ. ܝܬ ܘܘܝܠܘܘܬ ܕܪܬܐ ܘܝܬ ܥܡܘܕܗܐ ܘܝܬ ܚܘܡܪܗܐ ܘܝܬ ܦܪܣܐ ܠܬܪܥ ܕܪܬܐ ܘܝܬ ܐܛܘܢܘܝ ܘܡܬܚܗܐ ܘܝܬ ܟܠ ܡܢܝ ܦܘܠܚܢ ܡܫܟܢܐ ܠܡܫܟܢ ܙܝܡܢܐ    ܡܐ. ܝܬ ܠܒܘܫܝ ܫܡܫܐ ܠܫܡܫܐ ܒܩܘܕܫܐ ܘܝܬ ܠܒܘܫܝ ܩܘܕܫܐ ܠܐܗܪܢ ܟܗܢܐ ܘܝܬ ܠܒܘܫܝ ܒܢܘܝ ܠܫܡܫܐ    ܡܒ. ܗܝ ܟܟܠ ܡܗ ܕܦܩܕ ܝܝܝ ܝܬ ܡܫܗ ܗܟܕܝܢ ܥܒܕܘ ܒܢܝ ܝܫܪܐܠ ܝܬ ܟܠ ܦܘܠܚܢܐ    ܡܓ. ܘܚܡܐ ܡܫܗ ܝܬ ܟܠ ܦܘܠܚܢܐ ܘܗܐ ܥܒܕܘ ܝܬܗ ܗܝܟܡܗ ܕܦܩܝܕ ܝܝܝ ܗܝܟܕܝܢ ܥܒܕܘ ܘܒܪܝ ܝܬܗܘܢ ܡܫܗ ܘܐܡܪ ܬܫܪܝ ܫܟܝܢܬܐ ܕܝܝܝ ܒܥܘܒܕܝ ܝܕܝܟܘܢ