Leviticus, Chapter 25 ܟܗ

ܐ. ܘܡܠܝܠ ܝܝܝ ܥ ܡܫܗ ܒܛܘܘܪܐ ܕܣܝܢܝ ܠܡܝܡܪ    ܒ. ܡܠܝܠ ܥ ܒܢܝ ܝܫܪܐܠ ܘܬܝܡܪ ܠܗܘܢ ܐܪܘ ܬܝܥܠܘܢ ܠܐܪܥܐ ܕܐܢܐ ܝܗܝܒ ܠܟܘܢ ܘܬܫܡܝܛ ܐܪܥܐ ܫܡܝܛܬܐ ܩܕ ܝܝܝ    ܓ. ܫܝܬ ܫܢܝܢ ܬܙܪܥܘܢ ܚܩܠܝܟܘܢ ܘܫܝܬ ܫܢܝܢ ܬܓܙܪܘܢ ܟܪܡܝܟܘܢ ܘܬܟܢܫܘܢ ܝܬ ܥܠܠܬܐ    ܕ. ܘܒܫܬܐ ܫܒܝܥܬܐ ܢܝܝܚ ܕܫܡܝܛܝܬܐ ܝܗܝ ܠܐܪܥܐ ܕܝ ܬܫܡܝܛ ܩܕ ܝܝܝ ܚܩܠܝܟܘܢ ܠܐ ܬܙܪܥܘܢ ܘܟܪܡܝܟܘܢ ܠܐ ܬܓܙܪܘܢ    ܗ. ܝܬ ܟܬܝ ܫܒܝܩ ܚܨܕܝܟܘܢ ܠܐ ܬܚܨܕܘܢ ܘܝܬ ܥܝܢܒܝ ܪܕܘܦܝܟܘܢ ܠܐ ܬܩܛܦܘܢ ܫܢܬ ܫܡܝܛܬܐ ܝܗܝ ܠܐܪܥܐ    ܘ. ܘܬܗܝ ܫܡܝܛܬ ܐܪܥܐ ܠܟܘܢ ܠܡܝܟܠ ܠ ܘܠܥܒܕ ܘܠܐܡܬ ܘܠܐܓܝܪ ܘܠܬܘܬܒ ܕܕܝܝܪܝܢ ܥܝܡ    ܙ. ܘܠܒܥܝܪ ܘܠܚܝܝܬܐ ܕܝ ܒܐܪܥ ܬܗܝ ܟܠ ܥܠܠܬܐ ܠܡܝܟܠ    ܚ. ܘܬܝܡܢܝ ܠ ܫܒܥ ܫܡܝܛܝܢ ܕܫܢܝܢ ܫܒܥ ܫܢܝܢ ܫܒܥ ܙܝܡܢܝܢ ܘܝܗܘܢ ܠ ܣܟܘ ܝܘܡܝ ܫܒܥ ܫܡܝܛܝܢ ܕܫܢܝܢ ܐܪܒܥܝܢ ܘܬܫܥ ܫܢܝܢ    ܛ. ܘܬܥܒܪ ܩܠ ܫܘܦܪ ܝܒܒܐ ܒܝܪܚܐ ܫܒܝܥܐܗ ܒܥܫܪܐ ܠܝܪܚܐ ܒܝܘܡܐ ܕܟܝܦܘܪܝܝܐ ܬܥܒܪܘܢ ܩܠ ܫܘܦܪ ܚܝܪܘܬܐ ܒܟܠ ܐܪܥܟܘܢ    ܝ. ܘܬܩܕܫܘܢ ܝܬ ܫܢܬ ܚܡܫܝܢ ܫܢܝܢ ܘܬܟܪܙܘܢ ܚܝܪܘܬܐ ܒܐܪܥܐ ܕܝܫܪܐܠ ܠܟܠ ܝܬܒܗܐ ܝܘܒܝܠܐ ܗܝܐ ܬܗܝ ܠܟܘܢ ܘܬܬܘܒܘܢ ܓܒܪ ܠܐܚܣܢܬܝܗ ܘܓܒܪ ܠܝܝܚܘܣܝܗ ܬܬܘܒܘܢ    ܝܐ. ܝܘܒܠܐ ܗܝܐ ܫܢܬ ܚܡܫܝܢ ܫܢܝܢ ܬܗܝ ܠܟܘܢ ܠܐ ܬܙܪܥܘܢ ܘܠܐ ܬܚܨܕܘܢ ܝܬ ܟܐܘܘܬܗܐ ܘܠܐ ܬܩܛܦܘܢ ܝܬ ܥܝܢܒܝ ܫܡܝܛܗܐ    ܝܒ. ܐܪܘ ܝܘܒܠܐ ܗܝܐ ܩܘܕܫܐ ܬܗܝ ܠܟܘܢ ܡܢ ܚܩܠܐ ܬܝܟܠܘܢ ܝܬ ܥܠܠܬܐ    ܝܓ. ܒܫܬܐ ܕܝܘܒܠܐ ܗܕܐ ܬܬܘܒܘܢ ܓܒܪ ܠܐܚܣܢܬܝܗ    ܝܕ. ܘܐܪܘ ܬܙܒܢܘܢ ܙܒܝܢܝ ܠܚܒܪܝܟܘܢ ܐܘ ܬܝܙܒܢܘܢ ܥܝܣܩܐ ܕܡܝܛܠܛܠܐ ܡܢ ܝܕ ܚܒܪܝܟܘܢ ܠܝܬ ܐܬܘܢ ܪܫܐܝܢ ܠܐܘܢܝܐ ܝܬ ܚܒܪܝܗ    ܝܗ. ܥܡܝ ܒܢܝ ܝܫܪܐܠ ܐܝܢ ܐܬܘܢ ܙܒܢܝܢ ܚܩܝܠ ܐܘ ܟܪܡܐ ܟܡܢܝܝܢ ܣܟܘ ܫܢܝܝܐ ܒܬܪ ܝܘܒܠܐ ܬܙܒܢܘܢ ܡܢ ܚܒܪܝܟܘܢ ܟܡܢܝܝܢ ܫܢܝܝܐ ܕܟܢܝܫܘܬ ܥܠܠܬܐ ܝܙܒܢܘܢ ܠܟܘܢ    ܝܘ. ܠܦܘ ܣܟܘ ܣܘܓܝ ܫܢܝܐ ܬܣܓܝ ܙܒܝܢܘܝ ܘܠܦܘ ܣܟܘ ܙܥܝܪܘܬ ܫܢܝܐ ܬܙܥܝܪ ܙܒܝܢܘܝ ܐܪܘ ܡܢܝܝܢ ܟܢܝܫܘܬ ܥܠܠܬܐ ܗܘܐ ܡܙܒܢ ܠ    ܝܙ. ܘܠܐ ܬܘܢܘܢ ܓܒܪ ܝܬ ܚܒܪܝܗ ܒܡܝܠܝܢ ܩܫܝܢ ܘܬܝܕܚܠ ܡܐܠܩ ܐܢܐ ܗܘܐ ܝܝܝ ܐܠܩܟܘܢ    ܝܚ. ܘܬܥܒܕܘܢ ܝܬ ܩܝܝܡܝܝ ܘܝܬ ܣܝܕܪܝ ܕܝܢܝܝ ܬܛܪܘܢ ܘܬܥܒܕܘܢ ܝܬܗܘܢ ܘܬܝܬܒܘܢ ܥܠ ܐܪܥܐ ܠܪܘܚܨܢ    ܝܛ.    ܟ. ܘܐܪܘ ܐܝܢ ܬܝܡܪܘܢ ܡܗ ܢܝܟܘܠ ܒܫܬܐ ܫܒܝܥܬܐ ܗܐ ܠܐ ܢܙܪܥ ܘܠܐ ܢܟܢܘܫ ܝܬ ܟܬܝ ܥܠܠܬܢܐ    ܟܐ. ܘܐܦܩܝܕ ܝܬ ܒܪܟܬܝ ܠܟܘܢ ܡܢ ܐܘܨܪܝܝ ܛܒܝܢ ܕܒܫܡܝ ܫܟܝܢܬܝ ܒܫܬܐ ܫܬܝܬܝܬܐ ܘܬܥܒܕ ܝܬ ܥܠܠܬܐ ܕܬܝܣܦܘܩ ܠܬܠܬ ܫܢܝܢ    ܟܒ. ܘܬܝܙܪܥܘܢ ܝܬ ܫܬܐ ܬܡܝܢܬܐ ܘܬܝܟܠܘܢ ܡܢ ܥܠܠܬܐ ܥܬܝܩܬܐ ܕܗܗܝܐ ܫܬܐ ܫܬܝܬܝܬܐ ܥܕ ܫܬܐ ܬܫܝܥܬܐ ܥܕ ܙܡܢ ܡܝܥܠ ܥܠܠܬܐ ܬܝܟܠܘܢ ܥܬܝܩܬܐ    ܟܓ. ܘܐܪܥܐ ܕܝܫܪܐܠ ܠܐ ܬܝܙܕܒܢ ܠܚܠܘܛܝܢ ܐܪܘ ܕܝܠܝ ܐܪܥܐ ܐܪܘ ܕܝܝܪܝܢ ܘܬܘܬܒܝܢ ܐܬܘܢ ܥܝܡܝ    ܟܕ. ܘܒܟܠ ܐܪܥ ܐܚܣܢܬܝܟܘܢ ܦܘܪܩܢܐ ܬܝܬܢܘܢ ܠܐܪܥܐ    ܟܗ. ܘܐܪܘ ܐܝܢ ܝܬܡܣܟܢ ܐܚܘ ܘܝܙܒܘܢ ܡܐܚܣܢܬܝܗ ܘܝܝܬܝ ܦܪܝܩܝܗ ܗܩܪܝܒ ܕܩܪܝܒ ܠܝܗ ܘܝܦܪܘܩ ܝܬ ܙܒܝܢܝ ܐܚܘܝ    ܟܘ. ܘܓܒܪ ܐܪܘ ܠܐ ܝܗܝ ܠܝܗ ܡܢ ܕܚܡܝ ܠܡܦܪܘܩ ܙܒܝܢܘܝ ܘܬܐܪܥ ܝܕܝܗ ܘܝܫܟܚ ܗܝ ܟܡܝܣܬ ܦܘܪܩܢܝܗ    ܟܙ. ܘܝܕܝܝܩ ܝܬ ܣܟܘ ܫܢܝ ܙܒܝܢܘܝ ܘܝܬܝܒ ܝܬ ܡܘܬܪܐ ܠܓܒܪ ܕܙܒܝܢ ܠܝܗ ܘܝܬܘܒ ܠܐܚܣܢܬܝܗ    ܟܚ. ܘܐܝܢ ܠܐ ܬܐܪܥ ܝܕܝܗ ܗܝ ܟܡܝܣܬ ܕܝܬܝܒ ܠܝܗ ܘܝܗܝ ܙܒܝܢܘܝ ܒܝܕ ܡܢ ܕܙܒܢ ܝܬܝܗ ܥܕ ܫܬܐ ܕܝܘܒܝܠܐ ܘܝܦܘܩ ܒܠܐ ܟܣܦ ܘܝܬܘܒ ܠܐܚܣܢܬܝܗ    ܟܛ. ܘܓܒܪ ܐܪܘ ܝܙܒܘܢ ܒܝܬ ܡܘܬܒܐ ܒܒܝܪܢܝܢ ܕܡܦܩܢ ܫܘܪ ܘܝܗܝ ܦܘܪܩܢܝܗ ܥܕ ܡܫܠ ܫܬܐ ܕܙܒܝܢܘܝ ܡܢ ܥܝܕܢ ܠܥܝܕܢ ܝܗܝ ܦܘܪܩܢܝܗ    ܠ. ܘܐܝܢ ܠܐ ܝܬܦܪܝܩ ܥܕ ܙܡܢ ܡܝܫܠ ܠܝܗ ܫܬܐ ܫܠܡܬܐ ܘܝܩܘ ܒܝܬܐ ܕܒܩܪܬܐ ܕܠܝܗ ܫܘܪܝܢ ܠܚܠܘܛܝܢ ܠܕܝܙܒܢ ܝܬܝܗ ܠܕܪܘܝ ܠܐ ܝܦܘܩ ܒܝܘܒܠܐ    ܠܐ. ܘܒܬܝ ܟܘܦܪܢܝܐ ܕܠܝܬ ܠܗܘܢ ܫܘܪ ܡܩܦ ܚܙܘܪ-ܚܙܘܪ ܗܝ ܟܛܝܢܕܝܣܝܢ ܕܦܪܝܣܢ ܥܠ ܚܩܠ ܐܪܥܐ ܝܬܚܫܒܘܢ ܦܘܪܩܢܐ ܬܗܝ ܠܟܘܢ ܘܒܝܘܒܠܐ ܝܦܩܘܢ    ܠ ܒ. ܘܩܝܪܘܝ ܠܝܘܐܝ ܒܬܝ ܩܝܪܘܝ ܐܚܣܢܬܗܘܢ ܦܘܪܩܢ ܥܠ ܝܗܝ ܠܠܝܘܐܝ    ܠ ܓ. ܘܡܐܢ ܕܝܦܪܘܩ ܡܢ ܠܝܘܐܝ ܘܝܦܘܩ ܙܒܝܢܝ ܒܝܬܐ ܘܩܝܪܘܝ ܐܚܣܢܬܗܘܢ ܒܝܘܒܠܐ ܐܪܘ ܒܬܝ ܩܝܪܘܝ ܠܝܘܐܝ ܗܝܐ ܐܚܣܢܬܗܘܢ ܒܓܘ ܒܢܝ ܝܫܪܐܠ    ܠ ܕ. ܘܒܪ ܚܩܝܠ ܦܪܘܝܠܝ ܩܝܪܘܝܗܘܢ ܠܐ ܝܙܒܢܘܢ ܐܪܘ ܐܚܣܢܬ ܥܠ ܗܘܐ ܠܗܘܢ    ܠ ܗ. ܘܐܪܘ ܝܬܡܣܟܢ ܐܚܘ ܘܬܡܘܛ ܝܕܝܗ ܥܝܡ ܘܬܬܩܝܦ ܒܝܗ ܘܬܗܢܝܝܗ ܝܕܘܪ ܘܝܬܘܬܒ ܘܝܬܦܪܢܣ ܥܝܡ    ܠ ܘ. ܥܡܝ ܒܝܬ ܝܫܪܐܠ ܠܐ ܬܝܣܒܘܢ ܠܐ ܫܥܪܝܢ ܘܠܐ ܪܝܒܝܝܢ ܘܬܝܕܚܠ ܡܐܠܩ ܘܝܬܦܪܢܣ ܐܚܘ ܥܝܡ    ܠ ܙ. ܥܡܝ ܒܢܝ ܝܫܪܐܠ ܝܬ ܟܣܦܝܟܘܢ ܠܐ ܬܝܬܢܘܢ ܠܝܗ ܒܫܥܪܝܢ ܘܒܪܝܒܝܝܢ ܠܐ ܬܝܬܢܘܢ ܥܝܒܘܪܝܟܘܢ    ܠ ܚ. ܐܢܐ ܗܘܐ ܝܝܝ ܐܠܩܟܘܢ ܕܝ ܦܪܩܝܬ ܘܐܦܝܩܝܬ ܝܬܟܘܢ ܦܪܝܩܝܢ ܡܢ ܐܪܥܐ ܕܡܨܪܝ ܡܛܘܠ ܠܡܝܬܢ ܠܟܘܢ ܝܬ ܐܪܥܐ ܕܟܢܥܢ ܠܡܗܘܝ ܠܟܘܢ ܠܐܠܩܐ    ܠ ܛ. ܘܐܪܘ ܝܬܡܣܟܢ ܐܚܘ ܥܝܡ ܘܝܙܕܒܢ ܠ ܠܐ ܬܦܠܚ ܒܝܗ ܗܝ ܟܢܝܡܘܣܝ ܦܘܠܚܢܘܬ ܥܒܕܝܐ    ܡ. ܗܝ ܟܐܓܝܪܐ ܗܝ ܟܬܘܬܒܐ ܝܗܝ ܥܝܡ ܥܕ ܫܬܐ ܕܝܘܒܠܐ ܝܦܠܚ ܥܝܡ    ܡܐ. ܘܝܦܘܩ ܠܒܪ ܚܘܪܝܢ ܡܥܝܡ ܗܘܐ ܘܒܢܘܝ ܥܝܡ ܘܝܬܘܒ ܠܓܢܝܣܬܝܗ ܘܠܐܚܣܢܬ ܐܒܗܬܘܝ ܝܬܘܒ    ܡܒ. ܐܪܘ ܥܒܕܝ ܗܝܢܘܢ ܕܗܢܦܝܩܝܬ ܝܬܗܘܢ ܦܪܝܩܝܢ ܡܐܪܥܐ ܕܡܨܪܝ ܠܐ ܝܙܕܒܢܘܢ ܗܝ ܟܢܝܡܘܣܝ ܙܒܝܢ ܥܒܕܝܐ    ܡܓ. ܠܐ ܬܫܥܒܕܘܢ ܒܝܗ ܒܩܫܝܘ ܘܬܝܕܚܠ ܡܐܠܩ    ܡܕ. ܒܪ ܥܒܕܝܟܘܢ ܘܐܡܗܬܝܟܘܢ ܕܝܗܘܢ ܠܟܘܢ ܡܢ ܐܡܗܬܝܟܘܢ ܕܡܢ ܥܡܡܝܐ ܕܝ ܒܚܙܪܢܘܬܟܘܢ ܡܢܗܘܢ ܬܙܒܢܘܢ ܥܒܕܝܢ ܘܐܡܗܢ    ܡܗ. ܘܐܘܦ ܡܒܢܝ ܬܘܬܒܝܐ ܥܪܝܠܝܐ ܕܕܝܝܪܝܢ ܥܝܡܟܘܢ ܡܢܗܘܢ ܬܙܒܢܘܢ ܘܡܢ ܝܝܚܘܣܝܗܘܢ ܕܥܝܡܟܘܢ ܕܐܝܬܝܠܝܕܘ ܒܐܪܥܟܘܢ ܘܠܐ ܡܢ ܟܢܥܢܐܝ ܘܝܗܘܢ ܠܟܘܢ ܠܐܚܣܢܐ    ܡܘ. ܘܬܚܣܢܘܢ ܝܬܗܘܢ ܠܒܢܝܗܘܢ ܒܬܪܝܟܘܢ ܠܝܪܘܬܬ ܐܚܣܢܐ ܠܥܠ ܒܗܘܢ ܬܦܠܚܘܢ ܘܒܐܚܝܟܘܢ ܒܢܝ ܝܫܪܐܠ ܓܒܪ ܒܚܒܪܝܗ ܠܐ ܬܫܥܒܕܘܢ ܒܗܘܢ ܒܩܫܝܘ    ܡܙ. ܘܐܪܘ ܬܐܪܥ ܝܕ ܥܪܠ ܘܬܘܬܒ ܕܥܝܡ ܘܝܬܡܣܟܢ ܐܚܘ ܥܝܡܝܗ ܘܝܙܕܒܢ ܠܥܪܠ ܬܘܬܒ ܠܥܝܡ ܐܘ ܠܫܪܝܫ ܦܘܠܚܢܐ ܢܘܟܪܐܗ ܠܡܫܡܫܐ ܠܗ ܘܠܦܠܚܗܐ ܕܡܙܪܥܝܬ ܓܝܘܪܐ    ܡܚ. ܒܬܪ ܕܝܫܬܡܘܕܥ ܠܟܘܢ ܕܝܙܕܒܢ ܡܢ ܝܕ ܦܘܪܩܢܐ ܝܗܝ ܠܝܗ ܚܕ ܡܢ ܐܚܘܝ ܝܦܪܩܝܢܝܗ    ܡܛ. ܐܘ ܐܚܒܘܝ ܐܘ ܒܪ ܐܚܒܘܝ ܝܦܪܝܩܝܢܝܗ ܐܘ ܡܩܪܝܒ ܒܝܫܪܝܗ ܡܙܪܥܬܝܗ ܝܦܪܩܝܢܝܗ ܐܘ ܬܐܪܥ ܝܕܝܗ ܐܘ ܝܕܐ ܕܨܝܒܘܪܐ ܘܝܬܦܪܝܩ    ܢ. ܘܝܕܝܝܩ ܥ ܥܪܠܐܗ ܙܒܢܝܗ ܡܫܬܐ ܕܝܙܕܒܢ ܠܝܗ ܥܕ ܫܬܐ ܕܝܘܒܝܠܐ ܘܝܗܝ ܟܣܦ ܙܒܝܢܘܝ ܒܡܢܝܝܢ ܫܢܝܐ ܗܝ ܟܝܘܡܝ ܐܓܝܪܐ ܝܗܝ ܥܝܡܝܗ    ܢܐ. ܐܝܢ ܥܕ ܟܕܘܢ ܐܝܬ ܣܓܘܝ ܒܫܢܝܝܐ ܠܦܘ ܣܟܘܡܗܘܢ ܝܬܝܒ ܦܘܪܩܢܝܗ ܡܟܣܦ ܙܒܝܢܘܝ    ܢܒ. ܘܐܝܢ ܩܠܝܠ ܠܐܫܬܝܝܪܘܢ ܒܫܢܝܐ ܥܕ ܫܬܐ ܕܝܘܒܠܐ ܘܝܚܫܝܒ ܠܝܗ ܟܦܘ ܣܟܘ ܫܢܘܝ ܝܬܝܒ ܝܬ ܦܘܪܩܢܝܗ    ܢܓ. ܗܝ ܟܐܓܝܪ ܫܢܐ ܒܫܢܐ ܝܗܝ ܥܝܡܝܗ ܠܐ ܝܫܥܒܝܕ ܒܝܗ ܒܩܫܝܝܢ ܒܩܫܝܝܘ ܘܐܢܬ ܚܡܝ ܠܝܗ    ܢܕ. ܘܐܝܢ ܠܐ ܝܬܦܪܩ ܒܐܝܠܝܝܢ ܫܢܝܝܐ ܘܝܦܘܩ ܒܪ ܚܘܪܝܢ ܒܫܬܐ ܕܝܘܒܝܠܐ ܗܘܐ ܘܒܢܘܝ ܥܝܡܝܗ    ܢܗ. ܐܪܘ ܕܝܠܝ ܗܝܢܘܢ ܒܢܝ ܝܫܪܐܠ ܡܫܬܥܒܕܝܢ ܠܐܘܪܝܝܬܝ ܥܒܕܝ ܗܝܢܘܢ ܕܐܦܝܩܝܬ ܝܬܗܘܢ ܦܪܝܩܝܢ ܡܢ ܐܪܥܐ ܕܡܨܪܝ ܐܢܐ ܗܘܐ ܝܝܝ ܐܠܩܟܘܢ