1. ετους οκτωκαιδεκατου Ηαβουχοδονοσορ ο βασιλευς εποιησεν εικονα χρυσην υψος αυτης πηχεων εξηκοντα ευρος αυτης πηχεων εξ και εστησεν αυτην εν πεδιω Δει?ρα εν χωρα Βαβυλωνος
2. και απεστειλεν συναγαγειν τους υπατους και τους στρατηγους και τους τοπαρχας ηγουμενους και τυραννους και τους επ εξουσιων και παντας τους αρχοντας των χωρων ελθειν εις τα εγκαινια της εικονος ης εστησεν Ηαβουχοδονοσορ ο βασιλευς
3. και συνηχθησαν οι τοπαρχαι υπατοι στρατηγοι ηγουμενοι τυραννοι μεγαλοι οι επ εξουσιων και παντες οι αρχοντες των χωρων εις τον εγκαινισμον της εικονος ης εστησεν Ηαβουχοδονοσορ ο βασιλευς και ειστηκεισαν ενωπιον της εικονος ης εστησεν Ηαβουχοδονοσορ
4. και ο κηρυξ εβοα εν ισχυι υμιν λεγεται λαοι φυλαι γλωσσαι
5. η αν ωρα ακουσητε της φωνης της σαλπιγγος συριγγος τε και κιθαρας σαμβυκης και ψαλτηριου και συμφωνιας και παντος γενους μουσικων πιπτοντες προσκυνειτε τη εικονι τη χρυση η εστησεν Ηαβουχοδονοσορ ο βασιλευς
6. και ος αν μη πεσων προσκυνηση αυτη τη ωρα εμβληθησεται εις την καμινον του πυρος την καιομενην
7. και εγενετο οτε ηκουσαν οι λαοι της φωνης της σαλπιγγος συριγγος τε και κιθαρας σαμβυκης και ψαλτηριου και συμφωνιας και παντος γενους μουσικων πιπτοντες παντες οι λαοι φυλαι γλωσσαι προσεκυνουν τη εικονι τη χρυση η εστησεν Ηαβουχοδονοσορ ο βασιλευς
8. τοτε προσηλθοσαν ανδρες Χαλδαιοι και διεβαλον τους Ιουδαιους
9. τω βασιλει Ηαβουχοδονοσορ βασιλευ εις τους αιωνας ζηθι
10. συ βασιλευ εθηκας δογμα παντα ανθρωπον ος αν ακουση της φωνης της σαλπιγγος συριγγος τε και κιθαρας σαμβυκης και ψαλτηριου και συμφωνιας και παντος γενους μουσικων
11. και μη πεσων προσκυνηση τη εικονι τη χρυση εμβληθησεται εις την καμινον του πυρος την καιομενην
12. εισιν ανδρες Ιουδαιοι ους κατεστησας επι τα εργα της χωρας Βαβυλωνος Σεδραχ Μισαχ Αβδεναγω οι ανδρες εκεινοι ουχ υπηκουσαν βασιλευ τω δογματι σου τοις θεοις σου ου λατρευουσιν και τη εικονι τη χρυση η εστησας ου προσκυνουσιν
13. τοτε Ηαβουχοδονοσορ εν θυμω και οργη ειπεν αγαγειν τον Σεδραχ Μισαχ και Αβδεναγω και ηχθησαν ενωπιον του βασιλεως
14. και απεκριθη Ηαβουχοδονοσορ και ειπεν αυτοις ει αληθως Σεδραχ Μισαχ Αβδεναγω τοις θεοις μου ου λατρευετε και τη εικονι τη χρυση η εστησα ου προσκυνειτε
15. νυν ουν ει εχετε ετοιμως ινα ως αν ακουσητε της φωνης της σαλπιγγος συριγγος τε και κιθαρας σαμβυκης και ψαλτηριου και συμφωνιας και παντος γενους μουσικων πεσοντες προσκυνησητε τη εικονι η εποιησα εαν δε μη προσκυνησητε αυτη τη ωρα εμβληθησεσθε εις την καμινον του πυρος την καιομενην και τις εστιν θεος ος εξελειται υμας εκ των χειρων μου
16. και απεκριθησαν Σεδραχ Μισαχ Αβδεναγω λεγοντες τω βασιλει Ηαβουχοδονοσορ ου χρειαν εχομεν ημεις περι του ρηματος τουτου αποκριθηναι σοι
17. εστιν γαρ θεος ω ημεις λατρευομεν δυνατος εξελεσθαι ημας εκ της καμινου του πυρος της καιομενης και εκ των χειρων σου βασιλευ ρυσεται ημας
18. και εαν μη γνωστον εστω σοι βασιλευ οτι τοις θεοις σου ου λατρευομεν και τη εικονι τη χρυση η εστησας ου προσκυνουμεν
19. τοτε Ηαβουχοδονοσορ επλησθη θυμου και η οψις του προσωπου αυτου ηλλοιωθη επι Σεδραχ Μισαχ και Αβδεναγω και ειπεν εκκαυσαι την καμινον επταπλασιως εως ου εις τελος εκκαη
20. και ανδρας ισχυρους ισχυι ειπεν πεδησαντας τον Σεδραχ Μισαχ και Αβδεναγω εμβαλειν εις την καμινον του πυρος την καιομενην
21. τοτε οι ανδρες εκεινοι επεδηθησαν συν τοις σαραβαροις αυτων και τιαραις και περικνημισι και ενδυμασιν αυτων και εβληθησαν εις μεσον της καμινου του πυρος της καιομενης
22. επει το ρημα του βασιλεως υπερισχυεν και η καμινος εξεκαυθη εκ περισσου
23. και οι τρεις ουτοι Σεδραχ Μισαχ και Αβδεναγω επεσον εις μεσον της καμινου του πυρος της καιομενης πεπεδημενοι
24. και περιεπατουν εν μεσω της φλογος υμνουντες τον θεον και ευλογουντες τον κυριον
25. και συστας Αζαριας προσηυξατο ουτως και ανοιξας το στομα αυτου εν μεσω του πυρος ειπεν
26. ευλογητος ει κυριε ο θεος των πατερων ημων και αινετος και δεδοξασμενον το ονομα σου εις τους αιωνας
27. οτι δικαιος ει επι πασιν οις εποιησας ημιν και παντα τα εργα σου αληθινα και ευθειαι αι οδοι σου και πασαι αι κρισεις σου αληθεια
28. και κριματα αληθειας εποιησας κατα παντα α επηγαγες ημιν και επι την πολιν την αγιαν την των πατερων ημων Ιερουσαλημ οτι εν αληθεια και κρισει επηγαγες παντα ταυτα δια τας αμαρτιας ημων
29. οτι ημαρτομεν και ηνομησαμεν αποστηναι απο σου και εξημαρτομεν εν πασιν και των εντολων σου ουκ ηκουσαμεν
30. ουδε συνετηρησαμεν ουδε εποιησαμεν καθως ενετειλω ημιν ινα ευ ημιν γενηται
31. και παντα οσα ημιν επηγαγες και παντα οσα εποιησας ημιν εν αληθινη κρισει εποιησας
32. και παρεδωκας ημας εις χειρας εχθρων ανομων εχθιστων αποστατων και βασιλει αδικω και πονηροτατω παρα πασαν την γην
33. και νυν ουκ εστιν ημιν ανοιξαι το στομα αισχυνη και ονειδος εγενηθη τοις δουλοις σου και τοις σεβομενοις σε
34. μη δη παραδως ημας εις τελος δια το ονομα σου και μη διασκεδασης την διαθηκην σου
35. και μη αποστησης το ελεος σου αφ ημων δι Αβρααμ τον ηγαπημενον υπο σου και δια Ισαακ τον δουλον σου και Ισραηλ τον αγιον σου
36. οις ελαλησας προς αυτους λεγων πληθυναι το σπερμα αυτων ως τα αστρα του ουρανου και ως την αμμον την παρα το χειλος της θαλασσης
37. οτι δεσποτα εσμικρυνθημεν παρα παντα τα εθνη και εσμεν ταπεινοι εν παση τη γη σημερον δια τας αμαρτιας ημων
38. και ουκ εστιν εν τω καιρω τουτω αρχων και προφητης και ηγουμενος ουδε ολοκαυτωσις ουδε θυσια ουδε προσφορα ουδε θυμιαμα ου τοπος του καρπωσαι εναντιον σου και ευρειν ελεος
39. αλλ εν ψυχη συντετριμμενη και πνευματι ταπεινωσεως προσδεχθειημεν ως εν ολοκαυτωμασιν κριων και ταυρων και ως εν μυριασιν αρνων πιονων
40. ουτως γενεσθω θυσια ημων ενωπιον σου σημερον και εκτελεσαι οπισθεν σου οτι ουκ εσται αισχυνη τοις πεποιθοσιν επι σοι
41. και νυν εξακολουθουμεν εν ολη καρδια και φοβουμεθα σε και ζητουμεν το προσωπον σου μη καταισχυνης ημας
42. αλλα ποιησον μεθ ημων κατα την επιεικειαν σου και κατα το πληθος του ελεους σου
43. και εξελου ημας κατα τα θαυμασια σου και δος δοξαν τω ονοματι σου κυριε
44. και εντραπειησαν παντες οι ενδεικνυμενοι τοις δουλοις σου κακα και καταισχυνθειησαν απο πασης δυναμεως και δυναστειας και η ισχυς αυτων συντριβειη
45. γνωτωσαν οτι συ ει κυριος ο θεος μονος και ενδοξος εφ ολην την οικουμενην
46. και ου διελειπον οι εμβαλοντες αυτους υπηρεται του βασιλεως καιοντες την καμινον ναφθαν και πισσαν και στιππυον και κληματιδα
47. και διεχειτο η φλοξ επανω της καμινου επι πηχεις τεσσαρακοντα εννεα
48. και διωδευσεν και ενεπυρισεν ους ευρεν περι την καμινον των Χαλδαιων
49. ο δε αγγελος κυριου συγκατεβη αμα τοις περι τον Αζαριαν εις την καμινον και εξετιναξεν την φλογα του πυρος εκ της καμινου
50. και εποιησεν το μεσον της καμινου ως πνευμα δροσου διασυριζον και ουχ ηψατο αυτων το καθολου το πυρ και ουκ ελυπησεν ουδε παρηνωχλησεν αυτοις
51. τοτε οι τρεις ως εξ ενος στοματος υμνουν και εδοξαζον και ευλογουν τον θεον εν τη καμινω λεγοντες
52. ευλογητος ει κυριε ο θεος των πατερων ημων και αινετος και υπερυψουμενος εις τους αιωνας και ευλογημενον το ονομα της δοξης σου το αγιον και υπεραινετον και υπερυψουμενον εις τους αιωνας
53. ευλογημενος ει εν τω ναω της αγιας δοξης σου και υπερυμνητος και υπερενδοξος εις τους αιωνας
54. ευλογημενος ει επι θρονου της βασιλειας σου και υπερυμνητος και υπερυψουμενος εις τους αιωνας
55. ευλογημενος ει ο επιβλεπων αβυσσους καθημενος επι χερουβιν και αινετος και υπερυψουμενος εις τους αιωνας
56. ευλογημενος ει εν τω στερεωματι του ουρανου και υμνητος και δεδοξασμενος εις τους αιωνας
57. ευλογειτε παντα τα εργα κυριου τον κυριον υμνειτε και υπερυψουτε αυτον εις τους αιωνας
58. ευλογειτε αγγελοι κυριου τον κυριον υμνειτε και υπερυψουτε αυτον εις τους αιωνας
59. ευλογειτε ουρανοι τον κυριον υμνειτε και υπερυψουτε αυτον εις τους αιωνας
60. ευλογειτε υδατα παντα τα επανω του ουρανου τον κυριον υμνειτε και υπερυψουτε αυτον εις τους αιωνας
61. ευλογειτε πασαι αι δυναμεις τον κυριον υμνειτε και υπερυψουτε αυτον εις τους αιωνας
62. ευλογειτε ηλιος και σεληνη τον κυριον υμνειτε και υπερυψουτε αυτον εις τους αιωνας
63. ευλογειτε αστρα του ουρανου τον κυριον υμνειτε και υπερυψουτε αυτον εις τους αιωνας
64. ευλογειτε πας ομβρος και δροσος τον κυριον υμνειτε και υπερυψουτε αυτον εις τους αιωνας
65. ευλογειτε παντα τα πνευματα τον κυριον υμνειτε και υπερυψουτε αυτον εις τους αιωνας
66. ευλογειτε πυρ και καυμα τον κυριον υμνειτε και υπερυψουτε αυτον εις τους αιωνας
67. ευλογειτε ψυχος και καυσων τον κυριον υμνειτε και υπερυψουτε αυτον εις τους αιωνας
68. ευλογειτε δροσοι και νιφετοι τον κυριον υμνειτε και υπερυψουτε αυτον εις τους αιωνας
69. ευλογειτε παγος και ψυχος τον κυριον υμνειτε και υπερυψουτε αυτον εις τους αιωνας
70. ευλογειτε παχναι και χιονες τον κυριον υμνειτε και υπερυψουτε αυτον εις τους αιωνας
71. ευλογειτε νυκτες και ημεραι τον κυριον υμνειτε και υπερυψουτε αυτον εις τους αιωνας
72. ευλογειτε φως και σκοτος τον κυριον υμνειτε και υπερυψουτε αυτον εις τους αιωνας
73. ευλογειτε αστραπαι και νεφελαι τον κυριον υμνειτε και υπερυψουτε αυτον εις τους αιωνας
74. ευλογειτω η γη τον κυριον υμνειτω και υπερυψουτω αυτον εις τους αιωνας
75. ευλογειτε ορη και βουνοι τον κυριον υμνειτε και υπερυψουτε αυτον εις τους αιωνας
76. ευλογειτε παντα τα φυομενα εν τη γη τον κυριον υμνειτε και υπερυψουτε αυτον εις τους αιωνας
77. ευλογειτε αι πηγαι τον κυριον υμνειτε και υπερυψουτε αυτον εις τους αιωνας
78. ευλογειτε θαλασσαι και ποταμοι τον κυριον υμνειτε και υπερυψουτε αυτον εις τους αιωνας
79. ευλογειτε κητη και παντα τα κινουμενα εν τοις υδασιν τον κυριον υμνειτε και υπερυψουτε αυτον εις τους αιωνας
80. ευλογειτε παντα τα πετεινα του ουρανου τον κυριον υμνειτε και υπερυψουτε αυτον εις τους αιωνας
81. ευλογειτε παντα τα θηρια και τα κτηνη τον κυριον υμνειτε και υπερυψουτε αυτον εις τους αιωνας
82. ευλογειτε οι υιοι των ανθρωπων τον κυριον υμνειτε και υπερυψουτε αυτον εις τους αιωνας
83. ευλογειτε Ισραηλ τον κυριον υμνειτε και υπερυψουτε αυτον εις τους αιωνας
84. ευλογειτε ιερεις κυριου τον κυριον υμνειτε και υπερυψουτε αυτον εις τους αιωνας
85. ευλογειτε δουλοι κυριου τον κυριον υμνειτε και υπερυψουτε αυτον εις τους αιωνας
86. ευλογειτε πνευματα και ψυχαι δικαιων τον κυριον υμνειτε και υπερυψουτε αυτον εις τους αιωνας
87. ευλογειτε οσιοι και ταπεινοι τη καρδια τον κυριον υμνειτε και υπερυψουτε αυτον εις τους αιωνας
88. ευλογειτε Ανανια Αζαρια Μισαηλ τον κυριον υμνειτε και υπερυψουτε αυτον εις τους αιωνας οτι εξειλατο ημας εξ αδου και εκ χειρος θανατου εσωσεν ημας και ερρυσατο ημας εκ μεσου καμινου καιομενης φλογος και εκ μεσου πυρος ερρυσατο ημας
89. εξομολογεισθε τω κυριω οτι χρηστος οτι εις τον αιωνα το ελεος αυτου
90. ευλογειτε παντες οι σεβομενοι τον κυριον τον θεον των θεων υμνειτε και εξομολογεισθε οτι εις τον αιωνα το ελεος αυτου
91. και Ηαβουχοδονοσορ ηκουσεν υμνουντων αυτων και εθαυμασεν και εξανεστη εν σπουδη και ειπεν τοις μεγιστασιν αυτου ουχι ανδρας τρεις εβαλομεν εις μεσον του πυρος πεπεδημενους και ειπαν τω βασιλει αληθως βασιλευ
92. και ειπεν ο βασιλευς ιδου εγω ορω ανδρας τεσσαρας λελυμενους και περιπατουντας εν μεσω του πυρος και διαφθορα ουκ εστιν εν αυτοις και η ορασις του τεταρτου ομοια υιω θεου
93. τοτε προσηλθεν Ηαβουχοδονοσορ προς την θυραν της καμινου του πυρος της καιομενης και ειπεν Σεδραχ Μισαχ Αβδεναγω οι δουλοι του θεου του υψιστου εξελθετε και δευτε και εξηλθον Σεδραχ Μισαχ Αβδεναγω εκ μεσου του πυρος
94. και συναγονται οι σατραπαι και οι στρατηγοι και οι τοπαρχαι και οι δυνασται του βασιλεως και εθεωρουν τους ανδρας οτι ουκ εκυριευσεν το πυρ του σωματος αυτων και η θριξ της κεφαλης αυτων ουκ εφλογισθη και τα σαραβαρα αυτων ουκ ηλλοιωθη και οσμη πυρος ουκ ην εν αυτοις
95. και απεκριθη Ηαβουχοδονοσορ και ειπεν ευλογητος ο θεος του Σεδραχ Μισαχ Αβδεναγω ος απεστειλεν τον αγγελον αυτου και εξειλατο τους παιδας αυτου οτι επεποιθεισαν επ αυτω και το ρημα του βασιλεως ηλλοιωσαν και παρεδωκαν τα σωματα αυτων εις πυρ οπως μη λατρευσωσιν μηδε προσκυνησωσιν παντι θεω αλλ η τω θεω αυτων
96. και εγω εκτιθεμαι δογμα πας λαος φυλη γλωσσα η αν ειπη βλασφημιαν κατα του θεου Σεδραχ Μισαχ Αβδεναγω εις απωλειαν εσονται και οι οικοι αυτων εις διαρπαγην καθοτι ουκ εστιν θεος ετερος οστις δυνησεται ρυσασθαι ουτως
97. τοτε ο βασιλευς κατευθυνεν τον Σεδραχ Μισαχ Αβδεναγω εν τη χωρα Βαβυλωνος και ηξιωσεν αυτους ηγεισθαι παντων των Ιουδαιων των οντων εν τη βασιλεια αυτου
| 
