1. βιβλος λογων Τωβιθ του Τωβιηλ του Ανανιηλ του Αδουηλ του Γαβαηλ του Ραφαηλ του Ραγουηλ εκ του σπερματος Ασιηλ εκ φυλης Ηεφθαλιμ
2. ος ηχμαλωτευθη εν ταις ημεραις Ενεμεσσαρου του βασιλεως των Ασσυριων εκ Θισβης η εστιν εκ δεξιων Κυδιως της Ηεφθαλιμ εν τη ανω Γαλιλαια υπερανω Ασσηρ οπισω οδου δυσμων ηλιου εξ αριστερων Φογωρ
3. εγω Τωβιθ οδοις αληθειας επορευομην και εν δικαιοσυναις πασας τας ημερας της ζωης μου και ελεημοσυνας πολλας εποιησα τοις αδελφοις μου και τω εθνει μου τοις πορευθεισιν μετ εμου εν τη αιχμαλωσια εις την χωραν των Ασσυριων εις Ηινευη
4. και οτε ημην εν τη χωρα μου εν γη Ισραηλ και οτε ημην νεος πασα η φυλη Ηεφθαλιμ του πατρος μου απεστησαν απο του οικου Δαυιδ του πατρος μου και απο Ιερουσαλημ πολεως της εκλεγεισης εκ πασων φυλων Ισραηλ εις το θυσιαζειν πασαις φυλαις Ισραηλ και ηγιασθη ο ναος της κατασκηνωσεως του θεου και ωvκοδομηθη εν αυτη εις πασας τας γενεας του αιωνος
5. παντες οι αδελφοι μου και ο οικος Ηεφθαλιμ του πατρος μου εθυσιαζον εκεινοι τω μοσχω ον εποιησεν Ιεροβεαμ ο βασιλευς Ισραηλ εν Δαν επι παντων ορεων της Γαλιλαιας
6. καγω μονωτατος επορευομην πολλακις εις Ιεροσολυμα εν ταις εορταις καθως γεγραπται εν παντι Ισραηλ εν προσταγματι αιωνιω τας απαρχας και τα πρωτογενηματα και τας δεκατας των κτηνων και τας πρωτοκουριας των προβατων εχων απετρεχον εις Ιεροσολυμα
7. και εδιδουν αυτα τοις ιερευσιν τοις υιοις Ααρων προς το θυσιαστηριον και την δεκατην του σιτου και του οινου και ελαιου και ροων και των συκων και των λοιπων ακροδρυων τοις υιοις Λευι τοις θεραπευουσιν εν Ιερουσαλημ και την δεκατην την δευτεραν απεδεκατιζον αργυριω των εξ ετων και επορευομην και εδαπανων αυτα εν Ιερουσαλημ καθ εκαστον ενιαυτον
8. και εδιδουν αυτα τοις ορφανοις και ταις χηραις και προσηλυτοις τοις προσκειμενοις τοις υιοις Ισραηλ εισεφερον και εδιδουν αυτοις εν τω τριτω ετει και ησθιομεν αυτα κατα το προσταγμα το προστεταγμενον περι αυτων εν τω νομω Μωση και κατα τας εντολας ας ενετειλατο Δεββωρα η μητηρ Ανανιηλ του πατρος ημων οτι ορφανον κατελιπεν με ο πατηρ και απεθανεν
9. και οτε εγενηθην ανηρ ελαβον γυναικα εκ του σπερματος της πατριας ημων και εγεννησα εξ αυτης υιον και εκαλεσα το ονομα αυτου Τωβιαν
10. μετα το αιχμαλωτισθηναι με εις Ασσυριους και οτε ηχμαλωτισθην εις Ηινευη επορευομην και παντες οι αδελφοι μου και οι εκ του γενους μου ησθιον εκ των αρτων των εθνων
11. εγω δε συνετηρησα την ψυχην μου μη φαγειν εκ των αρτων των εθνων
12. και οτε εμεμνημην του θεου μου εν ολη ψυχη μου
13. και εδωκεν μοι ο υψιστος χαριν και μορφην ενωπιον Ενεμεσσαρου και ηγοραζον αυτω παντα τα προς την χρησιν
14. και επορευομην εις Μηδιαν και ηγοραζον αυτω εκειθεν εως αυτον αποθανειν και παρεθεμην Γαβαηλω βαλλαντια τω αδελφω τω Γαβρι εν τη χωρα της Μηδιας αργυριου ταλαντα δεκα
15. και οτε απεθανεν Ενεμασσαρ και εβασιλευσεν Σενναχηριμ υιος αυτου αντ αυτου και αι οδοι της Μηδιας απεστησαν και ουκετι ηδυνασθην πορευθηναι εις την Μηδιαν
16. εν ταις ημεραις Ενεμεσσαρου ελεημοσυνας πολλας εποιησα τοις αδελφοις μου τοις εκ του γενους μου
17. τους αρτους μου εδιδουν τοις πεινωσιν και ιματια τοις γυμνοις και ει τινα των εκ του εθνους μου εθεωρουν τεθνηκοτα και ερριμμενον οπισω του τειχους Ηινευη εθαπτον αυτον
18. και ει τινα απεκτεινεν Σενναχηριμ οτε απηλθεν φευγων εκ της Ιουδαιας εν ημεραις της κρισεως ης εποιησεν εξ αυτου ο βασιλευς του ουρανου περι των βλασφημιων ων εβλασφημησεν εθαψα πολλους γαρ απεκτεινεν εν τω θυμω αυτου εκ των υιων Ισραηλ και εκλεπτον τα σωματα αυτων και εθαπτον και εζητησεν αυτα Σενναχηριμ και ουχ ευρεν αυτα
19. και επορευθη εις τις των εκ της Ηινευη και υπεδειξεν τω βασιλει περι εμου οτι εγω θαπτω αυτους και εκρυβην και οτε επεγνων οτι εγνω περι εμου ο βασιλευς και οτι ζητουμαι του αποθανειν εφοβηθην και απεδρασα
20. και ηρπαγη παντα οσα υπηρχεν μοι και ου κατελειφθη μοι ουδεν ο ουκ ανελημφθη εις το βασιλικον πλην Αννας της γυναικος μου και Τωβια του υιου μου
21. και ου διηλθον ημεραι τεσσαρακοντα εως ου απεκτειναν αυτον οι δυο υιοι αυτου και εφυγον εις τα ορη Αραρατ και εβασιλευσεν Σαχερδονος υιος αυτου μετ αυτον και εταξεν Αχιχαρον τον Αναηλ τον του αδελφου μου υιον επι πασαν την εκλογιστιαν της βασιλειας αυτου και αυτος ειχεν την εξουσιαν επι πασαν την διοικησιν
22. τοτε ηξιωσεν Αχιχαρος περι εμου και κατηλθον εις την Ηινευη Αχιχαρος γαρ ην ο αρχιοινοχοος και επι του δακτυλιου και διοικητης και εκλογιστης επι Σενναχηριμ βασιλεως Ασσυριων και κατεστησεν αυτον Σαχερδονος εκ δευτερας ην δε εξαδελφος μου και εκ της συγγενειας μου
| 
