1. και συνετελεσθησαν οι λογοι της εξομολογησεως Τωβιθ
2. και απεθανεν εν ειρηνη ετων εκατον δωδεκα και εταφη ενδοξως εν Ηινευη και εξηκοντα δυο ετων ην οτε εγενετο αναπειρος τοις οφθαλμοις και μετα το αναβλεψαι αυτον εζησεν εν αγαθοις και ελεημοσυνας εποιησεν και ετι προσεθετο ευλογειν τον θεον και εξομολογεισθαι την μεγαλωσυνην του θεου
3. και οτε απεθνησκεν εκαλεσεν Τωβιαν τον υιον αυτου και ενετειλατο αυτω λεγων παιδιον απαγαγε τα παιδια σου
4. και αποτρεχε εις Μηδιαν οτι πιστευω εγω τω ρηματι του θεου επι Ηινευη α ελαλησεν Ηαουμ οτι παντα εσται και απαντησει επι Αθουρ και Ηινευη και οσα ελαλησαν οι προφηται του Ισραηλ ους απεστειλεν ο θεος παντα απαντησει και ου μηθεν ελαττονωθη εκ παντων των ρηματων και παντα συμβησεται τοις καιροις αυτων και εν τη Μηδια εσται σωτηρια μαλλον ηπερ εν Ασσυριοις και εν Βαβυλωνι διο γινωσκω εγω και πιστευω οτι παντα α ειπεν ο θεος συντελεσθησεται και εσται και ου μη διαπεση ρημα εκ των λογων και οι αδελφοι ημων οι κατοικουντες εν τη γη Ισραηλ παντες διασκορπισθησονται και αιχμαλωτισθησονται εκ της γης της αγαθης και εσται πασα η γη του Ισραηλ ερημος και Σαμαρεια και Ιερουσαλημ εσται ερημος και ο οικος του θεου εν λυπη και καυθησεται μεχρι χρονου
5. και παλιν ελεησει αυτους ο θεος και επιστρεψει αυτους ο θεος εις την γην του Ισραηλ και παλιν οικοδομησουσιν τον οικον και ουχ ως τον πρωτον εως του χρονου ου αν πληρωθη ο χρονος των καιρων και μετα ταυτα επιστρεψουσιν εκ της αιχμαλωσιας αυτων παντες και οικοδομησουσιν Ιερουσαλημ εντιμως και ο οικος του θεου εν αυτη οικοδομηθησεται καθως ελαλησαν περι αυτης οι προφηται του Ισραηλ
6. και παντα τα εθνη τα εν ολη τη γη παντες επιστρεψουσιν και φοβηθησονται τον θεον αληθινως και αφησουσιν παντες τα ειδωλα αυτων τους πλανωντας ψευδη την πλανησιν αυτων και ευλογησουσιν τον θεον του αιωνος εν δικαιοσυνη
7. παντες οι υιοι του Ισραηλ οι σωζομενοι εν ταις ημεραις εκειναις μνημονευοντες του θεου εν αληθεια επισυναχθησονται και ηξουσιν εις Ιερουσαλημ και οικησουσιν τον αιωνα εν τη γη Αβρααμ μετα ασφαλειας και παραδοθησεται αυτοις και χαρησονται οι αγαπωντες τον θεον επ αληθειας και οι ποιουντες την αμαρτιαν και την αδικιαν εκλειψουσιν απο πασης της γης
8. και νυν παιδια εγω υμιν εντελλομαι δουλευσατε τω θεω εν αληθεια και ποιησατε το αρεστον ενωπιον αυτου και τοις παιδιοις υμων ενυποταγησεται ποιειν δικαιοσυνην και ελεημοσυνην και ινα ωσιν μεμνημενοι του θεου και ευλογωσιν το ονομα αυτου εν παντι καιρω εν αληθεια και ολη τη ισχυι αυτων και νυν συ παιδιον εξελθε εκ Ηινευη και μη μεινης ωδε εν η αν ημερα θαψης την μητερα σου μετ εμου αυτη τη ημερα μη αυλισθης εν τοις οριοις αυτης ορω γαρ οτι πολλη αδικια εν αυτη και δολος πολυς συντελειται εν αυτη και ουκ αισχυνονται
10. ιδε παιδιον οσα Ηαδαβ εποιησεν Αχικαρω τω εκθρεψαντι αυτον ουχι ζων κατηνεχθη εις την γην και απεδωκεν ο θεος την ατιμιαν κατα προσωπον αυτου και εξηλθεν εις το φως Αχικαρος και Ηαδαβ εισηλθεν εις το σκοτος του αιωνος οτι εζητησεν αποκτειναι Αχικαρον εν τω ποιησαι ελεημοσυνην εξηλθεν εκ της παγιδος του θανατου ην επηξεν αυτω Ηαδαβ και Ηαδαβ επεσεν εις την παγιδα του θανατου και απωλεσεν αυτον
11. και νυν παιδια ιδετε τι ποιει ελεημοσυνη και τι ποιει αδικια οτι αποκτεννει και ιδου η ψυχη μου εκλειπει και εθηκαν αυτον επι την κλινην και απεθανεν και εταφη ενδοξως
12. και οτε απεθανεν η μητηρ αυτου εθαψεν αυτην Τωβιας μετα του πατρος αυτου και απηλθεν αυτος και η γυνη αυτου εις Μηδιαν και ωκησεν εν Εκβατανοις μετα Ραγουηλου του πενθερου αυτου
13. και εγηροβοσκησεν αυτους εντιμως και εθαψεν αυτους εν Εκβατανοις της Μηδιας και εκληρονομησεν την οικιαν Ραγουηλου και Τωβιθ του πατρος αυτου
14. και απεθανεν ετων εκατον δεκα επτα ενδοξως
15. και ειδεν και ηκουσεν προ του αποθανειν αυτον την απωλειαν Ηινευη και ειδεν την αιχμαλωσιαν αυτης αγομενην εις Μηδιαν ην ηχμαλωτισεν Αχιαχαρος ο βασιλευς της Μηδιας και ευλογησεν τον θεον εν πασιν οις εποιησεν επι τους υιους Ηινευη και Αθουριας εχαρη πριν του αποθανειν επι Ηινευη και ευλογησεν κυριον τον θεον εις τους αιωνας των αιωνων
| 
