1. αλληλουια εν εξοδω ισραηλ εξ αιγυπτου οικου ιακωβ εκ λαου βαρβαρου
2. εγενηθη ιουδαια αγιασμα αυτου ισραηλ εξουσια αυτου
3. η θαλασσα ειδεν και εφυγεν ο ιορδανης εστραφη εις τα οπισω
4. τα ορη εσκιρτησαν ωσει κριοι και οι βουνοι ως αρνια προβατων
5. τι σοι εστιν θαλασσα οτι εφυγες και σοι ιορδανη οτι ανεχωρησας εις τα οπισω
6. τα ορη οτι εσκιρτησατε ωσει κριοι και οι βουνοι ως αρνια προβατων
7. απο προσωπου κυριου εσαλευθη η γη απο προσωπου του θεου ιακωβ
8. του στρεψαντος την πετραν εις λιμνας υδατων και την ακροτομον εις πηγας υδατων
9. μη ημιν κυριε μη ημιν αλλ' η τω ονοματι σου δος δοξαν επι τω ελεει σου και τη αληθεια σου
10. μηποτε ειπωσιν τα εθνη που εστιν ο θεος αυτων
11. ο δε θεος ημων εν τω ουρανω ανω εν τοις ουρανοις και εν τη γη παντα οσα ηθελησεν εποιησεν
12. τα ειδωλα των εθνων αργυριον και χρυσιον εργα χειρων ανθρωπων
13. στομα εχουσιν και ου λαλησουσιν οφθαλμους εχουσιν και ουκ οψονται
14. ωτα εχουσιν και ουκ ακουσονται ρινας εχουσιν και ουκ οσφρανθησονται
15. χειρας εχουσιν και ου ψηλαφησουσιν ποδας εχουσιν και ου περιπατησουσιν ου φωνησουσιν εν τω λαρυγγι αυτων
16. ομοιοι αυτοις γενοιντο οι ποιουντες αυτα και παντες οι πεποιθοτες επ' αυτοις
17. οικος ισραηλ ηλπισεν επι κυριον βοηθος αυτων και υπερασπιστης αυτων εστιν
18. οικος ααρων ηλπισεν επι κυριον βοηθος αυτων και υπερασπιστης αυτων εστιν
19. οι φοβουμενοι τον κυριον ηλπισαν επι κυριον βοηθος αυτων και υπερασπιστης αυτων εστιν
20. κυριος εμνησθη ημων και ευλογησεν ημας ευλογησεν τον οικον ισραηλ ευλογησεν τον οικον ααρων
21. ευλογησεν τους φοβουμενους τον κυριον τους μικρους μετα των μεγαλων
22. προσθειη κυριος εφ' υμας εφ' υμας και επι τους υιους υμων
23. ευλογημενοι υμεις τω κυριω τω ποιησαντι τον ουρανον και την γην
24. ο ουρανος του ουρανου τω κυριω την δε γην εδωκεν τοις υιοις των ανθρωπων
25. ουχ οι νεκροι αινεσουσιν σε κυριε ουδε παντες οι καταβαινοντες εις αδου
26. αλλ' ημεις οι ζωντες ευλογησομεν τον κυριον απο του νυν και εως του αιωνος
| 
