1. Και ευθεως επι το πρωι συμβουλιον ποιησαντες οι αρχιερεις μετα των πρεσβυτερων και γραμματεων και ολον το συνεδριον, δησαντες τον Ιησουν απηνεγκαν και παρεδωκαν τω Πιλατω
2. και επηρωτησεν αυτον ο Πιλατος συ ει ο βασιλευς των Ιουδαιων ο δε αποκριθεις ειπεν αυτω συ λεγεις
3. και κατηγορουν αυτου οι αρχιερεις πολλα, αυτος δε ουδεν απεκρινατο
4. ο δε Πιλατος παλιν επηρωτα αυτον λεγων ουκ αποκρινη ουδεν ιδε ποσα σου καταμαρτυρουσιν
5. ο δε Ιησους ουκετι ουδεν απεκριθη, ωστε θαυμαζειν τον Πιλατον
6. Κατα δε εορτην απελυεν αυτοις ενα δεσμιον, ονπερ ητουντο
7. ην δε ο λεγομενος Βαραββας μετα των συστασιαστων δεδεμενος, οιτινες εν τη στασει φονον πεποιηκεισαν
8. και αναβοησας ο οχλος ηρξατο αιτεισθαι καθως αει εποιει αυτοις
9. ο δε Πιλατος απεκριθη αυτοις λεγων θελετε απολυσω υμιν τον βασιλεα των Ιουδαιων
10. εγινωσκε γαρ οτι δια φθονον παραδεδωκεισαν αυτον οι αρχιερεις
11. οι δε αρχιερεις ανεσεισαν τον οχλον ινα μαλλον τον Βαραββαν απολυση αυτοις
12. ο δε Πιλατος αποκριθεις παλιν ειπεν αυτοις τι ουν θελετε ποιησω ον λεγετε τον βασιλεα των Ιουδαιων
13. οι δε παλιν εκραξαν σταυρωσον αυτον
14. ο δε Πιλατος ελεγεν αυτοις τι γαρ εποιησε κακον οι δε περισσοτερως εκραξαν σταυρωσον αυτον
15. ο δε Πιλατος βουλομενος τω οχλω το ικανον ποιησαι, απελυσεν αυτοις τον Βαραββαν, και παρεδωκε τον Ιησουν φραγγελωσας ινα σταυρωθη
16. Οι δε στρατιωται απηγαγον αυτον εσω της αυλης, ο εστι πραιτωριον, και συγκαλουσιν ολην την σπειραν
17. και ενδυουσιν αυτον πορφυραν και περιτιθεασιν αυτω πλεξαντες ακανθινον στεφανον,
18. και ηρξαντο ασπαζεσθαι αυτον χαιρε ο βασιλευς των Ιουδαιων
19. και ετυπτον αυτου την κεφαλην καλαμω και ενεπτυον αυτω, και τιθεντες τα γονατα προσεκυνουν αυτω
20. και οτε ενεπαιξαν αυτω, εξεδυσαν αυτον την πορφυραν και ενεδυσαν αυτον τα ιματια τα ιδια, και εξαγουσιν αυτον ινα σταυρωσωσιν αυτον
21. Και αγγαρευουσι παραγοντα τινα Σιμωνα Κυρηναιον, ερχομενον απ αγρου, τον πατερα Αλεξανδρου και Ρουφου, ινα αρη τον σταυρον αυτου
22. και φερουσιν αυτον επι Γολγοθα τοπον, ο εστι μεθερμηνευομενον κρανιου τοπος
23. και εδιδουν αυτω πιειν εσμυρνισμενον οινον ο δε ουκ ελαβε
24. και σταυρωσαντες αυτον διαμεριζονται τα ιματια αυτου βαλλοντες κληρον επ αυτα τις τι αρη
25. ην δε ωρα τριτη και εσταυρωσαν αυτον
26. και ην η επιγραφη της αιτιας αυτου επιγεγραμμενη ο βασιλευς των Ιουδαιων
27. Και συν αυτω σταυρουσι δυο ληστας, ενα εκ δεξιων και ενα εξ ευωνυμων αυτου
28. και επληρωθη η γραφη η λεγουσα και μετα ανομων ελογισθη
29. Και οι παραπορευομενοι εβλασφημουν αυτον κινουντες τας κεφαλας αυτων και λεγοντες ουα, ο καταλυων τον ναον και εν τρισιν ημεραις οικοδομων
30. σωσον σεαυτον και καταβα απο του σταυρου
31. ομοιως δε και οι αρχιερεις εμπαιζοντες προς αλληλους μετα των γραμματεων ελεγον αλλους εσωσεν, εαυτον ου δυναται σωσαι
32. ο Χριστος ο βασιλευς του Ισραηλ καταβατω νυν απο του σταυρου, ινα ιδωμεν και πιστευσωμεν αυτω και οι συνεσταυρωμενοι αυτω ωvνειδιζον αυτον
33. Γενομενης δε ωρας εκτης σκοτος εγενετο εφ ολην την γην εως ωρας ενατης
34. και τη ωρα τη ενατη εβοησεν ο Ιησους φωνη μεγαλη λεγων Ελωι Ελωι, λιμα σαβαχθανι ο εστι μεθερμηνευομενον, ο Θεος μου, ο Θεος μου, εις τι με εγκατελιπες
35. και τινες των παρεστηκοτων ακουσαντες ελεγον ιδε Νλιαν φωνει
36. δραμων δε εις και γεμισας σπογγον οξους περιθεις τε καλαμω εποτιζεν αυτον λεγων αφετε, ιδωμεν ει ερχεται Νλιας καθελειν αυτον
37. ο δε Ιησους αφεις φωνην μεγαλην εξεπνευσε
38. Και το καταπετασμα του ναου εσχισθη εις δυο απο ανωθεν εως κατω
39. Ιδων δε ο κεντυριων ο παρεστηκως εξ εναντιας αυτου οτι ουτω κραξας εξεπνευσεν, ειπεν αληθως ο ανθρωπος ουτος υιος ην Θεου
40. Νσαν δε και γυναικες απο μακροθεν θεωρουσαι, εν αις ην και Μαρια η Μαγδαληνη και Μαρια η του Ιακωβου του μικρου και Ιωση μητηρ, και Σαλωμη,
41. αι και οτε ην εν τη Γαλιλαια, ηκολουθουν αυτω και διηκονουν αυτω, και αλλαι πολλαι αι συναναβασαι αυτω εις Ιεροσολυμα
42. Και ηδη οψιας γενομενης, επει ην παρασκευη, ο εστι προσαββατον,
43. ελθων Ιωσηφ ο απο Αριμαθαιας, ευσχημων βουλευτης, ος και αυτος ην προσδεχομενος την βασιλειαν του Θεου, τολμησας εισηλθε προς Πιλατον και ητησατο το σωμα του Ιησου
44. ο δε Πιλατος εθαυμασεν ει ηδη τεθνηκε, και προσκαλεσαμενος τον κεντυριωνα επηρωτησεν αυτον ει παλαι απεθανε
45. και γνους απο του κεντυριωνος εδωρησατο το σωμα τω Ιωσηφ
46. και αγορασας σινδονα και καθελων αυτον ενειλησε τη σινδονι και κατεθηκεν αυτον εν μνημειω, ο ην λελατομημενον εκ πετρας, και προσεκυλισε λιθον επι την θυραν του μνημειου
47. η δε Μαρια η Μαγδαληνη και Μαρια Ιωση εθεωρουν που τιθεται
| 
