1. Και εδοθη μοι καλαμος ομοιος ραβδω, λεγων εγειρε και μετρησον τον ναον του Θεου και το θυσιαστηριον και τους προσκυνουντας εν αυτω
2. και την αυλην την εξωθεν του ναου εκβαλε εξω και μη αυτην μετρησης, οτι εδοθη τοις εθνεσι, και την πολιν την αγιαν πατησουσι μηνας τεσσαρακοντα δυο
3. και δωσω τοις δυσι μαρτυσι μου, και προφητευσουσιν ημερας χιλιας διακοσιας εξηκοντα, περιβεβλημενοι σακκους
4. ουτοι εισιν αι δυο ελαιαι και αι δυο λυχνιαι αι ενωπιον του Κυριου της γης εστωσαι
5. και ει τις αυτους θελει αδικησαι, πυρ εκπορευεται εκ του στοματος αυτων και κατεσθιει τους εχθρους αυτων και ει τις θελει αυτους αδικησαι, ουτως δει αυτον αποκτανθηναι
6. ουτοι εχουσιν εξουσιαν τον ουρανον κλεισαι, ινα μη υετος βρεχη τας ημερας της προφητειας αυτων, και εξουσιαν εχουσιν επι των υδατων στρεφειν αυτα εις αιμα και παταξαι την γην εν παση πληγη, οσακις εαν θελησωσι
7. και οταν τελεσωσι την μαρτυριαν αυτων, το θηριον το αναβαινον εκ της αβυσσου ποιησει μετ αυτων πολεμον και νικησει αυτους και αποκτενει αυτους
8. και το πτωμα αυτων επι της πλατειας της πολεως της μεγαλης, ητις καλειται πνευματικως Σοδομα και Αιγυπτος, οπου και ο Κυριος αυτων εσταυρωθη
9. και βλεπουσιν εκ των λαων και φυλων και γλωσσων και εθνων το πτωμα αυτων ημερας τρεις και ημισυ, και τα πτωματα αυτων ουκ αφησουσι τεθηναι εις μνημα
10. και οι κατοικουντες επι της γης χαιρουσιν επ αυτοις, και ευφρανθησονται και δωρα πεμψουσιν αλληλοις, οτι ουτοι οι δυο προφηται εβασανισαν τους κατοικουντας επι της γης
11. και μετα τας τρεις ημερας και ημισυ, πνευμα ζωης εκ του Θεου εισηλθεν εις αυτους, και εστησαν επι τους ποδας αυτων, και φοβος μεγας επεπεσεν επι τους θεωρουντας αυτους
12. και ηκουσα φωνην μεγαλην εκ του ουρανου λεγουσαν αυτοις αναβητε ωδε και ανεβησαν εις τον ουρανον εν τη νεφελη, και εθεωρησαν αυτους οι εχθροι αυτων
13. Και εν εκεινη τη ημερα εγενετο σεισμος μεγας, και το δεκατον της πολεως επεσε, και απεκτανθησαν εν τω σεισμω ονοματα ανθρωπων χιλιαδες επτα, και οι λοιποι εμφοβοι εγενοντο και εδωκαν δοξαν τω Θεω του ουρανου
14. Ν ουαι η δευτερα απηλθεν η ουαι η τριτη ιδου ερχεται ταχυ
15. Και ο εβδομος αγγελος εσαλπισε και εγενοντο φωναι μεγαλαι εν τω ουρανω λεγουσαι εγενετο η βασιλεια του κοσμου του Κυριου ημων και του Χριστου αυτου, και βασιλευσει εις τους αιωνας των αιωνων
16. και οι εικοσι τεσσαρες πρεσβυτεροι οι ενωπιον του θρονου του Θεου, οι καθηνται επι τους θρονους αυτων, επεσαν επι τα προσωπα αυτων και προσεκυνησαν τω Θεω
17. λεγοντες ευχαριστουμεν σοι, Κυριε ο Θεος ο παντοκρατωρ, ο ων και ο ην και ο ερχομενος, οτι ειληφας την δυναμιν σου την μεγαλην και εβασιλευσας,
18. και τα εθνη ωvργισθησαν, και ηλθεν η οργη σου και ο καιρος των εθνων κριθηναι και δουναι τον μισθον τοις δουλοις σου τοις προφηταις και τοις αγιοις τοις φοβουμενοις το ονομα σου, τοις μικροις και τοις μεγαλοις, και διαφθειραι τους διαφθειροντας την γην
19. Και ηνοιγη ο ναος του Θεου ο εν τω ουρανω, και ωφθη η κιβωτος της διαθηκης Κυριου εν τω ναω αυτου, και εγενοντο αστραπαι και φωναι και βρονται και σεισμος και χαλαζα μεγαλη
| 
