1. Eλεαζαρος δε τις ανηρ επισημος των απο της χωρας ιερεων εν πρεσβειω την ηλικιαν ηδη λελογχως και παση τη κατα τον βιον αρετη κεκοσμημενος τους περι αυτον καταστειλας πρεσβυτερους επικαλεισθαι τον αγιον θεον προσηυξατο ταδε
2. βασιλευ μεγαλοκρατωρ υψιστε παντοκρατωρ θεε την πασαν διακυβερνων εν οικτιρμοις κτισιν
3. επιδε επι Aβρααμ σπερμα επι ηγιασμενου τεκνα Iακωβ μεριδος ηγιασμενης σου λαον εν ξενη γη ξενον αδικως απολλυμενον πατερ
4. συ Fαραω πληθυνοντα αρμασιν τον πριν Aιγυπτου ταυτης δυναστην επαρθεντα ανομω θρασει και γλωσση μεγαλορρημονι συν τη υπερηφανω στρατια ποντοβροχους απωλεσας φεγγος επιφανας ελεους Iσραηλ γενει
5. συ τον αναριθμητοις δυναμεσιν γαυρωθεντα Sενναχηριμ βαρυν VAσσυριων βασιλεα δορατι την πασαν υποχειριον ηδη λαβοντα γην και μετεωρισθεντα επι την αγιαν σου πολιν βαρεα λαλουντα κομπω και θρασει συ δεσποτα εθραυσας εκδηλον δεικνυς εθνεσιν πολλοις το σον κρατος
6. συ τους κατα την Bαβυλωνιαν τρεις εταιρους πυρι την ψυχην αυθαιρετως δεδωκοτας εις το μη λατρευσαι τοις κενοις διαπυρον δροσισας καμινον ερρυσω μεχρι τριχος απημαντους φλογα πασιν επιπεμψας τοις υπεναντιοις
7. συ τον διαβολαις φθονου λεουσι κατα γης ριφεντα θηρσιν βοραν Dανιηλ εις φως ανηγαγες ασινη
8. τον τε βυθοτρεφους εν γαστρι κητους Iωναν τηκομενον αφιδων απημαντον πασιν οικειοις ανεδειξας πατερ
9. και νυν μισυβρι πολυελεε των ολων σκεπαστα το ταχος επιφανηθι τοις απο Iσραηλ γενους υπο εβδελυγμενων ανομων εθνων υβριζομενοις
10. ει δε ασεβειαις κατα την αποικιαν ο βιος ημων ενεσχηται ρυσαμενος ημας απο εχθρων χειρος ω προαιρη δεσποτα απολεσον ημας μορω
11. μη τοις ματαιοις οι ματαιοφρονες ευλογησατωσαν επι τη των ηγαπημενων σου απωλεια λεγοντες ουδε ο θεος αυτων ερρυσατο αυτους
12. συ δε ο πασαν αλκην και δυναστειαν εχων απασαν αιωνιε νυν επιδε ελεησον ημας τους καθV υβριν ανομων αλογιστον εκ του ζην μεθισταμενους εν επιβουλων τροπω
13. πτηξατω δε εθνη σην δυναμιν ανικητον σημερον εντιμε δυναμιν εχων επι σωτηρια Iακωβ γενους
14. ικετευει σε το παν πληθος των νηπιων και οι τουτων γονεις μετα δακρυων
15. δειχθητω πασιν εθνεσιν οτι μεθV ημων ει κυριε και ουκ απεστρεψας το προσωπον σου αφV ημων αλλα καθως ειπας οτι ουδε εν τη γη των εχθρων αυτων οντων υπερειδον αυτους ουτως επιτελεσον κυριε
16. του δε Eλεαζαρου ληγοντος αρτι της προσευχης ο βασιλευς συν τοις θηριοις και παντι τω της δυναμεως φρυαγματι κατα τον ιπποδρομον παρηγεν
17. και θεωρησαντες οι Iουδαιοι μεγα εις ουρανον ανεκραξαν ωστε και τους παρακειμενους αυλωνας συνηχησαντας ακατασχετον πτοην ποιησαι παντι τω στρατοπεδω
18. τοτε ο μεγαλοδοξος παντοκρατωρ και αληθινος θεος επιφανας το αγιον αυτου προσωπον ηνεωξεν τας ουρανιους πυλας εξ ων δεδοξασμενοι δυο φοβεροειδεις αγγελοι κατεβησαν φανεροι πασιν πλην τοις Iουδαιοις
19. και αντεστησαν και την δυναμιν των υπεναντιων επληρωσαν ταραχης και δειλιας και ακινητοις εδησαν πεδαις
20. και υποφρικον και το του βασιλεως σωμα εγενηθη και ληθη το θρασος αυτου το βαρυθυμον ελαβεν
21. και απεστρεψαν τα θηρια επι τας συνεπομενας ενοπλους δυναμεις και κατεπατουν αυτας και ωvλεθρευον
22. και μετεστραφη του βασιλεως η οργη εις οικτον και δακρυα υπερ των εμπροσθεν αυτω μεμηχανευμενων
23. ακουσας γαρ της κραυγης και συνιδων πρηνεις απαντας εις την απωλειαν δακρυσας μετV οργης τοις φιλοις διηπειλειτο λεγων
24. παραβασιλευετε και τυραννους υπερβεβηκατε ωvμοτητι και εμε αυτον τον υμων ευεργετην επιχειρειτε της αρχης ηδη και του πνευματος μεθισταν λαθρα μηχανωμενοι τα μη συμφεροντα τη βασιλεια
25. τις τους κρατησαντας ημων εν πιστει τα της χωρας οχυρωματα της οικιας αποστησας εκαστον αλογως ηθροισεν ενθαδε
26. τις τους εξ αρχης ευνοια προς ημας κατα παντα διαφεροντας παντων εθνων και τους χειριστους πλεονακις ανθρωπων επιδεδεγμενους κινδυνους ουτως αθεσμως περιεβαλεν αικιαις
27. λυσατε εκλυσατε αδικα δεσμα εις τα ιδια μετV ειρηνης εξαποστειλατε τα προπεπραγμενα παραιτησαμενοι
28. απολυσατε τους υιους του παντοκρατορος επουρανιου θεου ζωντος ος αφV ημετερων μεχρι του νυν προγονων απαραποδιστον μετα δοξης ευσταθειαν παρεχει τοις ημετεροις πραγμασιν
29. ο μεν ουν ταυτα ελεξεν οι δε εν αμερει χρονω λυθεντες τον αγιον σωτηρα θεον αυτων ευλογουν αρτι τον θανατον εκπεφευγοτες
30. ειτα ο βασιλευς εις την πολιν απαλλαγεις τον επι των προσοδων προσκαλεσαμενος εκελευσεν οινους τε και τα λοιπα προς ευωχιαν επιτηδεια τοις Iουδαιοις χορηγειν επι ημερας επτα κρινας αυτους εν ω τοπω εδοξαν τον ολεθρον αναλαμβανειν εν τουτω εν ευφροσυνη παση σωτηρια αγαγειν
31. τοτε οι το πριν επονειδιστοι και πλησιον του αδου μαλλον δε επV αυτω βεβηκοτες αντι πικρου και δυσαιακτου μορου κωθωνα σωτηριον συστησαμενοι τον εις πτωσιν αυτοις και ταφον ητοιμασμενον τοπον κλισιαις κατεμερισαντο πληρεις χαρμονης
32. καταληξαντες δε θρηνων πανοδυρτον μελος ανελαβον ωvδην πατριον τον σωτηρα και τερατοποιον αινουντες θεον οιμωγην τε πασαν και κωκυτον απωσαμενοι χορους συνισταντο ευφροσυνης ειρηνικης σημειον
33. ωσαυτως δε και ο βασιλευς περι τουτων συμποσιον βαρυ συναγαγων αδιαλειπτως εις ουρανον ανθωμολογειτο μεγαλομερως επι τη παραδοξω γενηθειση αυτω σωτηρια
34. οι τε πριν εις ολεθρον και οιωνοβρωτους αυτους εσεσθαι τιθεμενοι και μετα χαρας απογραψαμενοι κατεστεναξαν αισχυνην εφV εαυτοις περιβαλομενοι και την πυροπνουν τολμαν ακλεως εσβεσμενοι
35. οι τε Iουδαιοι καθως προειρηκαμεν συστησαμενοι τον προειρημενον χορον μετV ευωχιας εν εξομολογησεσιν ιλαραις και ψαλμοις διηγον
36. και κοινον ορισαμενοι περι τουτων θεσμον επι πασαν την παροικιαν αυτων εις γενεας τας προειρημενας ημερας αγειν εστησαν ευφροσυνους ου ποτου χαριν και λιχνειας σωτηριας δε της δια θεον γενομενης αυτοις
37. ενετυχον δε τω βασιλει την απολυσιν αυτων εις τα ιδια αιτουμενοι
38. απογραφονται δε αυτους απο πεμπτης και εικαδος του Pαχων εως της τεταρτης του Eπιφι επι ημερας τεσσαρακοντα συνιστανται δε αυτων την απωλειαν απο πεμπτης του Eπιφι εως εβδομης ημεραις τρισιν
39. εν αις και μεγαλοδοξως επιφανας το ελεος αυτου ο των παντων δυναστης απταιστους αυτους ερρυσατο ομοθυμαδον
40. ευωχουντο δε πανθV υπο του βασιλεως χορηγουμενοι μεχρι της τεσσαρεσκαιδεκατης εν η και την εντυχιαν εποιησαντο περι της απολυσεως αυτων
41. συναινεσας δε αυτοις ο βασιλευς εγραψεν αυτοις την υπογεγραμμενην επιστολην προς τους κατα πολιν στρατηγους μεγαλοψυχως την εκτενιαν εχουσαν
| 
