1. και ειπεν Iουδιθ εξαρχετε τω θεω μου εν τυμπανοις ασατε τω κυριω εν κυμβαλοις εναρμοσασθε αυτω ψαλμον και αινον υψουτε και επικαλεισθε το ονομα αυτου
2. οτι θεος συντριβων πολεμους κυριος οτι εις παρεμβολας αυτου εν μεσω λαου εξειλατο με εκ χειρος καταδιωκοντων με
3. ηλθεν Aσσουρ εξ ορεων απο βορρα ηλθεν εν μυριασι δυναμεως αυτου ων το πληθος αυτων ενεφραξεν χειμαρρους και η ιππος αυτων εκαλυψεν βουνους
4. ειπεν εμπρησειν τα ορια μου και τους νεανισκους μου ανελειν εν ρομφαια και τα θηλαζοντα μου θησειν εις εδαφος και τα νηπια μου δωσειν εις προνομην και τας παρθενους μου σκυλευσαι
5. κυριος παντοκρατωρ ηθετησεν αυτους εν χειρι θηλειας
6. ου γαρ υπεπεσεν ο δυνατος αυτων υπο νεανισκων ουδε υιοι τιτανων επαταξαν αυτον ουδε υψηλοι γιγαντες επεθεντο αυτω αλλα Iουδιθ θυγατηρ Mεραρι εν καλλει προσωπου αυτης παρελυσεν αυτον
7. εξεδυσατο γαρ στολην χηρευσεως αυτης εις υψος των πονουντων εν Iσραηλ ηλειψατο το προσωπον αυτης εν μυρισμω
8. και εδησατο τας τριχας αυτης εν μιτρα και ελαβεν στολην λινην εις απατην αυτου
9. το σανδαλιον αυτης ηρπασεν οφθαλμον αυτου και το καλλος αυτης ηχμαλωτισεν ψυχην αυτου διηλθεν ο ακινακης τον τραχηλον αυτου
10. εφριξαν Pερσαι την τολμαν αυτης και Mηδοι το θρασος αυτης εταραχθησαν
11. τοτε ηλαλαξαν οι ταπεινοι μου και εφοβηθησαν οι ασθενουντες μου και επτοηθησαν υψωσαν την φωνην αυτων και ανετραπησαν
12. υιοι κορασιων κατεκεντησαν αυτους και ως παιδας αυτομολουντων ετιτρωσκον αυτους απωλοντο εκ παραταξεως κυριου μου
13. υμνησω τω θεω μου υμνον καινον κυριε μεγας ει και ενδοξος θαυμαστος εν ισχυι ανυπερβλητος
14. σοι δουλευσατω πασα η κτισις σου οτι ειπας και εγενηθησαν απεστειλας το πνευμα σου και ωvκοδομησεν και ουκ εστιν ος αντιστησεται τη φωνη σου
15. ορη γαρ εκ θεμελιων συν υδασιν σαλευθησεται πετραι δV απο προσωπου σου ως κηρος τακησονται ετι δε τοις φοβουμενοις σε συ ευιλατευσεις αυτοις
16. οτι μικρον πασα θυσια εις οσμην ευωδιας και ελαχιστον παν στεαρ εις ολοκαυτωμα σοι ο δε φοβουμενος τον κυριον μεγας δια παντος
17. ουαι εθνεσιν επανιστανομενοις τω γενει μου κυριος παντοκρατωρ εκδικησει αυτους εν ημερα κρισεως δουναι πυρ και σκωληκας εις σαρκας αυτων και κλαυσονται εν αισθησει εως αιωνος
18. ως δε ηλθοσαν εις Iερουσαλημ προσεκυνησαν τω θεω και ηνικα εκαθαρισθη ο λαος ανηνεγκαν τα ολοκαυτωματα αυτων και τα εκουσια αυτων και τα δοματα
19. και ανεθηκεν Iουδιθ παντα τα σκευη Oλοφερνου οσα εδωκεν ο λαος αυτη και το κωνωπιον ο ελαβεν εαυτη εκ του κοιτωνος αυτου εις αναθημα τω θεω εδωκεν
20. και ην ο λαος ευφραινομενος εν Iερουσαλημ κατα προσωπον των αγιων επι μηνας τρεις και Iουδιθ μετV αυτων κατεμεινεν
21. μετα δε τας ημερας ταυτας ανεζευξεν εκαστος εις την κληρονομιαν αυτου και Iουδιθ απηλθεν εις Bαιτυλουα και κατεμεινεν επι της υπαρξεως αυτης και εγενετο κατα τον καιρον αυτης ενδοξος εν παση τη γη
22. και πολλοι επεθυμησαν αυτην και ουκ εγνω ανηρ αυτην πασας τας ημερας της ζωης αυτης αφV ης ημερας απεθανεν Mανασσης ο ανηρ αυτης και προσετεθη προς τον λαον αυτου
23. και ην προβαινουσα μεγαλη σφοδρα και εγηρασεν εν τω οικω του ανδρος αυτης ετη εκατον πεντε και αφηκεν την αβραν αυτης ελευθεραν και απεθανεν εις Bαιτυλουα και εθαψαν αυτην εν τω σπηλαιω του ανδρος αυτης Mανασση
24. και επενθησεν αυτην οικος Iσραηλ ημερας επτα και διειλεν τα υπαρχοντα αυτης προ του αποθανειν αυτην πασι τοις εγγιστα Mανασση του ανδρος αυτης και τοις εγγιστα του γενους αυτης
25. και ουκ ην ετι ο εκφοβων τους υιους Iσραηλ εν ταις ημεραις Iουδιθ και μετα το αποθανειν αυτην ημερας πολλας
| 
