1. και ελαλησεν κυριος προς Mωυσην λεγων
2. εντειλαι τοις υιοις Iσραηλ και λαβετωσαν μοι ελαιον ελαινον καθαρον κεκομμενον εις φως καυσαι λυχνον δια παντος
3. εξωθεν του καταπετασματος εν τη σκηνη του μαρτυριου καυσουσιν αυτον Aαρων και οι υιοι αυτου απο εσπερας εως πρωι ενωπιον κυριου ενδελεχως νομιμον αιωνιον εις τας γενεας υμων
4. επι της λυχνιας της καθαρας καυσετε τους λυχνους εναντι κυριου εως το πρωι
5. και λημψεσθε σεμιδαλιν και ποιησετε αυτην δωδεκα αρτους δυο δεκατων εσται ο αρτος ο εις
6. και επιθησετε αυτους δυο θεματα εξ αρτους το εν θεμα επι την τραπεζαν την καθαραν εναντι κυριου
7. και επιθησετε επι το θεμα λιβανον καθαρον και αλα και εσονται εις αρτους εις αναμνησιν προκειμενα τω κυριω
8. τη ημερα των σαββατων προθησεται εναντι κυριου δια παντος ενωπιον των υιων Iσραηλ διαθηκην αιωνιον
9. και εσται Aαρων και τοις υιοις αυτου και φαγονται αυτα εν τοπω αγιω εστιν γαρ αγια των αγιων τουτο αυτω απο των θυσιαζομενων τω κυριω νομιμον αιωνιον
10. και εξηλθεν υιος γυναικος Iσραηλιτιδος και ουτος ην υιος Aιγυπτιου εν τοις υιοις Iσραηλ και εμαχεσαντο εν τη παρεμβολη ο εκ της Iσραηλιτιδος και ο ανθρωπος ο Iσραηλιτης
11. και επονομασας ο υιος της γυναικος της Iσραηλιτιδος το ονομα κατηρασατο και ηγαγον αυτον προς Mωυσην και το ονομα της μητρος αυτου Sαλωμιθ θυγατηρ Dαβρι εκ της φυλης Dαν
12. και απεθεντο αυτον εις φυλακην διακριναι αυτον δια προσταγματος κυριου
13. και ελαλησεν κυριος προς Mωυσην λεγων
14. εξαγαγε τον καταρασαμενον εξω της παρεμβολης και επιθησουσιν παντες οι ακουσαντες τας χειρας αυτων επι την κεφαλην αυτου και λιθοβολησουσιν αυτον πασα η συναγωγη
15. και τοις υιοις Iσραηλ λαλησον και ερεις προς αυτους ανθρωπος ος εαν καταρασηται θεον αμαρτιαν λημψεται
16. ονομαζων δε το ονομα κυριου θανατω θανατουσθω λιθοις λιθοβολειτω αυτον πασα συναγωγη Iσραηλ εαν τε προσηλυτος εαν τε αυτοχθων εν τω ονομασαι αυτον το ονομα κυριου τελευτατω
17. και ανθρωπος ος αν παταξη ψυχην ανθρωπου και αποθανη θανατω θανατουσθω
18. και ος αν παταξη κτηνος και αποθανη αποτεισατω ψυχην αντι ψυχης
19. και εαν τις δω μωμον τω πλησιον ως εποιησεν αυτω ωσαυτως αντιποιηθησεται αυτω
20. συντριμμα αντι συντριμματος οφθαλμον αντι οφθαλμου οδοντα αντι οδοντος καθοτι αν δω μωμον τω ανθρωπω ουτως δοθησεται αυτω
21. ος αν παταξη ανθρωπον και αποθανη θανατω θανατουσθω
22. δικαιωσις μια εσται τω προσηλυτω και τω εγχωριω οτι εγω ειμι κυριος ο θεος υμων
23. και ελαλησεν Mωυσης τοις υιοις Iσραηλ και εξηγαγον τον καταρασαμενον εξω της παρεμβολης και ελιθοβολησαν αυτον εν λιθοις και οι υιοι Iσραηλ εποιησαν καθα συνεταξεν κυριος τω Mωυση
| 
