Ιωάννης, Chapter 17

1. Ταυτα ελαλησεν ο Ιησους, και επηρε τους οφθαλμους αυτου εις τον ουρανον, και ειπε, Πατερ, εληλυθεν η ωρα δοξασον σου τον υιον, ινα και ο υιος σου δοξαση σε    2. καθως εδωκας αυτω εξουσιαν πασης σαρκος, ινα παν ο δεδωκας αυτω, δωση αυτοις ζωην αιωνιον    3. αυτη δε εστιν η αιωνιος ζωη, ινα γινωσκωσι σε τον μονον αληθινον Θεον, και ον απεστειλας Ιησουν Χριστον.    4. εγω σε εδοξασα επι της γης το εργον ετελειωσα ο δεδωκας μοι ινα ποιησω    5. και νυν δοξασον με συ, πατερ, παρα σεαυτω τη δοξη η ειχον προ του τον κοσμον ειναι παρα σοι.    6. εφανερωσα σου το ονομα τοις ανθρωποις ους δεδωκας μοι εκ του κοσμου σοι ησαν, και εμοι αυτους δεδωκας και τον λογον σου τετηρηκασι.    7. νυν εγνωκαν οτι παντα οσα δεδωκας μοι, παρα σου εστιν    8. οτι τα ρηματα α δεδωκας μοι, δεδωκα αυτοις και αυτοι ελαβον, και εγνωσαν αληθως οτι παρα σου εξηλθον, και επιστευσαν οτι συ με απεστειλας.    9. εγω περι αυτων ερωτω ου περι του κοσμου ερωτω, αλλα περι ων δεδωκας μοι, οτι σοι εισι    10. και τα εμα παντα σα εστι, και τα σα εμα και δεδοξασμαι εν αυτοις.    11. και ουκ ετι ειμι εν τω κοσμω, και ουτοι εν τω κοσμω εισι, και εγω προς σε ερχομαι. πατερ αγιε, τηρησον αυτους εν τω ονοματι σου, ους δεδωκας μοι, ινα ωσιν εν, καθως ημεις.    12. οτε ημην μετ αυτων εν τω κοσμω, εγω ετηρουν αυτους εν τω ονοματι σου ους δεδωκας μοι, εφυλαξα, και ουδεις εξ αυτων απωλετο, ει μη ο υιος της απωλειας, ινα η γραφη πληρωθη.    13. νυν δε προς σε ερχομαι, και ταυτα λαλω εν τω κοσμω, ινα εχωσι την χαραν την εμην πεπληρωμενην εν αυτοις.    14. εγω δεδωκα αυτοις τον λογον σου, και ο κοσμος εμισησεν αυτους, οτι ουκ εισιν εκ του κοσμου, καθως εγω ουκ ειμι εκ του κοσμου.    15. ουκ ερωτω ινα αρης αυτους εκ του κοσμου, αλλ ινα τηρησης αυτους εκ του πονηρου.    16. εκ του κοσμου ουκ εισι, καθως εγω εκ του κοσμου ουκ ειμι.    17. αγιασον αυτους εν τη αληθεια σου ο λογος ο σος αληθεια εστι.    18. καθως εμε απεστειλας εις τον κοσμον, καγω απεστειλα αυτους εις τον κοσμον.    19. και υπερ αυτων εγω αγιαζω εμαυτον, ινα και αυτοι ωσιν ηγιασμενοι εν αληθεια.    20. ου περι τουτων δε ερωτω μονον, αλλα και περι των πιστευσοντων δια του λογου αυτων εις εμε    21. ινα παντες εν ωσι καθως συ, πατερ, εν εμοι, καγω εν σοι, ινα και αυτοι εν ημιν εν ωσιν ινα ο κοσμος πιστευση οτι συ με απεστειλας.    22. και εγω την δοξαν ην δεδωκας μοι, δεδωκα αυτοις, ινα ωσιν εν, καθως ημεις εν εσμεν.    23. εγω εν αυτοις, και συ εν εμοι, ινα ωσι τετελειωμενοι εις εν, και ινα γινωσκη ο κοσμος οτι συ με απεστειλας, και ηγαπησας αυτους, καθως εμε ηγαπησας.    24. πατερ, ους δεδωκας μοι, θελω ινα οπου ειμι εγω, κακεινοι ωσι μετ εμου ινα θεωρωσι την δοξαν την εμην, ην εδωκας μοι, οτι ηγαπησας με προ καταβολης κοσμου.    25. πατερ δικαιε, και ο κοσμος σε ουκ εγνω, εγω δε σε εγνων, και ουτοι εγνωσαν οτι συ με απεστειλας    26. και εγνωρισα αυτοις το ονομα σου, και γνωρισω ινα η αγαπη, ην ηγαπησας με, εν αυτοις η, καγω εν αυτοις.