1. Επειδηπερ πολλοι επεχειρησαν αναταξασθαι διηγησιν περι των πεπληροφορημενων εν ημιν πραγματων,
2. καθως παρεδοσαν ημιν οι απ αρχης αυτοπται και υπηρεται γενομενοι του λογου,
3. εδοξε καμοι, παρηκολουθηκοτι ανωθεν πασιν ακριβως, καθεξης σοι γραψαι, κρατιστε Θεοφιλε,
4. ινα επιγνως περι ων κατηχηθης λογων την ασφαλειαν.
5. Εγενετο εν ταις ημεραις Νρωδου του βασιλεως της Ιουδαιας ιερευς τις ονοματι Ζαχαριας, εξ εφημεριας Αβια και η γυνη αυτου εκ των θυγατερων Ααρων, και το ονομα αυτης Ελισαβετ.
6. ησαν δε δικαιοι αμφοτεροι ενωπιον του Θεου, πορευομενοι εν πασαις ταις εντολαις και δικαιωμασι του Κυριου αμεμπτοι.
7. και ουκ ην αυτοις τεκνον, καθοτι η Ελισαβετ ην στειρα, και αμφοτεροι προβεβηκοτες εν ταις ημεραις αυτων ησαν.
8. Εγενετο δε εν τω ιερατευειν αυτον εν τη ταξει της εφημεριας αυτου εναντι του Θεου,
9. κατα το εθος της ιερατειας, ελαχε του θυμιασαι εισελθων εις τον ναον του Κυριου.
10. και παν το πληθος του λαου ην προσευχομενον εξω τη ωρα του θυμιαματος.
11. ωφθη δε αυτω αγγελος Κυριου, εστως εκ δεξιων του θυσιαστηριου του θυμιαματος.
12. και εταραχθη Ζαχαριας ιδων, και φοβος επεπεσεν επ αυτον.
13. ειπε δε προς αυτον ο αγγελος, Μη φοβου Ζαχαρια διοτι εισηκουσθη η δεησις σου, και η γυνη σου Ελισαβετ γεννησει υιον σοι, και καλεσεις το ονομα αυτου Ιωαννην
14. και εσται χαρα σοι και αγαλλιασις, και πολλοι επι τη γεννησει αυτου χαρησονται.
15. εσται γαρ μεγας ενωπιον του Κυριου, και οινον και σικερα ου μη πιη, και Πνευματος Αγιου πλησθησεται ετι εκ κοιλιας μητρος αυτου.
16. και πολλους των υιων Ισραηλ επιστρεψει επι Κυριον τον Θεον αυτων
17. και αυτος προελευσεται ενωπιον αυτου εν πνευματι και δυναμει Νλιου, επιστρεψαι καρδιας πατερων επι τεκνα, και απειθεις εν φρονησει δικαιων, ετοιμασαι Κυριω λαον κατεσκευασμενον.
18. και ειπε Ζαχαριας προς τον αγγελον, Κατα τι γνωσομαι τουτο εγω γαρ ειμι πρεσβυτης, και η γυνη μου προβεβηκυια εν ταις ημεραις αυτης.
19. και αποκριθεις ο αγγελος ειπεν αυτω, Εγω ειμι Γαβριηλ ο παρεστηκως ενωπιον του Θεου και απεσταλην λαλησαι προς σε, και ευαγγελισασθαι σοι ταυτα.
20. και ιδου, εση σιωπων και μη δυναμενος λαλησαι, αχρι ης ημερας γενηται ταυτα, ανθ ων ουκ επιστευσας τοις λογοις μου, οιτινες πληρωθησονται εις τον καιρον αυτων.
21. και ην ο λαος προσδοκων τον Ζαχαριαν και εθαυμαζον εν τω χρονιζειν αυτον εν τω ναω.
22. εξελθων δε ουκ ηδυνατο λαλησαι αυτοις και επεγνωσαν οτι οπτασιαν εωρακεν εν τω ναω και αυτος ην διανευων αυτοις, και διεμενε κωφος.
23. και εγενετο, ως επλησθησαν αι ημεραι της λειτουργιας αυτου, απηλθεν εις τον οικον αυτου.
24. Μετα δε ταυτας τας ημερας συνελαβεν Ελισαβετ η γυνη αυτου, και περιεκρυβεν εαυτην μηνας πεντε, λεγουσα
25. οτι Ουτω μοι πεποιηκεν ο Κυριος εν ημεραις αις επειδεν αφελειν το ονειδος μου εν ανθρωποις.
26. Εν δε τω μηνι τω εκτω απεσταλη ο αγγελος Γαβριηλ υπο του Θεου εις πολιν της Γαλιλαιας η ονομα Ηαζαρεθ,
27. προς παρθενον μεμνηστευμενην ανδρι, ω ονομα Ιωσηφ, εξ οικου Δαβιδ και το ονομα της παρθενου, Μαριαμ.
28. και εισελθων ο αγγελος προς αυτην ειπε, Χαιρε, κεχαριτωμενη ο Κυριος μετα σου, ευλογημενη συ εν γυναιξιν.
29. η δε ιδουσα διεταραχθη επι τω λογω αυτου, και διελογιζετο ποταπος ειη ο ασπασμος ουτος.
30. και ειπεν ο αγγελος αυτη, Μη φοβου, Μαριαμ ευρες γαρ χαριν παρα τω Θεω.
31. και ιδου, συλληψη εν γαστρι, και τεξη υιον, και καλεσεις το ονομα αυτου Ιησουν.
32. ουτος εσται μεγας, και υιος υψιστου κληθησεται και δωσει αυτω Κυριος ο Θεος τον θρονον Δαβιδ του πατρος αυτου,
33. και βασιλευσει επι τον οικον Ιακωβ εις τους αιωνας, και της βασιλειας αυτου ουκ εσται τελος.
34. ειπε δε Μαριαμ προς τον αγγελον, Πως εσται τουτο, επει ανδρα ου γινωσκω
35. και αποκριθεις ο αγγελος ειπεν αυτη, Πνευμα {Αγιον επελευσεται επι σε, και δυναμις υψιστου επισκιασει σοι διο και το γεννωμενον εκ σου αγιον κληθησεται υιος Θεου.
36. και ιδου, Ελισαβετ η συγγενης σου, και αυτη συνειληφυια υιον εν γηρα αυτης και ουτος μην εκτος εστιν αυτη τη καλουμενη στειρα.
37. οτι ουκ αδυνατησει παρα τω θεω παν ρημα.
38. ειπε δε Μαριαμ, Ιδου, η δουλη Κυριου γενοιτο μοι κατα το ρημα σου. και απηλθεν απ αυτης ο αγγελος.
39. Αναστασα δε Μαριαμ εν ταις ημεραις ταυταις επορευθη εις την ορεινην μετα σπουδης, εις πολιν Ιουδα,
40. και εισηλθεν εις τον οικον Ζαχαριου, και ησπασατο την Ελισαβετ.
41. και εγενετο ως ηκουσεν η Ελισαβετ τον ασπασμον της Μαριας, εσκιρτησε το βρεφος εν τη κοιλια αυτης και επλησθη Πνευματος Αγιου η Ελισαβετ,
42. και ανεφωνησε φωνη μεγαλη, και ειπεν, Ευλογημενη συ εν γυναιξι, και ευλογημενος ο καρπος της κοιλιας σου.
43. και ποθεν μοι τουτο, ινα ελθη η μητηρ του Κυριου μου προς με
44. ιδου γαρ, ως εγενετο η φωνη του ασπασμου σου εις τα ωτα μου, εσκιρτησεν εν αγαλλιασει το βρεφος εν τη κοιλια μου.
45. και μακαρια η πιστευσασα, οτι εσται τελειωσις τοις λελαλημενοις αυτη παρα Κυριου.
46. και ειπε Μαριαμ, Μεγαλυνει η ψυχη μου τον Κυριον,
47. και ηγαλλιασεν το πνευμα μου επι τω θεω τω σωτηρι μου
48. οτι επεβλεψεν επι την ταπεινωσιν της δουλης αυτου. ιδου γαρ, απο του νυν μακαριουσι με πασαι αι γενεαι.
49. οτι εποιησε μοι μεγαλεια ο δυνατος, και αγιον το ονομα αυτου
50. και το ελεος αυτου εις γενεας γενεων τοις φοβουμενοις αυτον.
51. εποιησε κρατος εν βραχιονι αυτου διεσκορπισεν υπερηφανους διανοια καρδιας αυτων.
52. καθειλε δυναστας απο θρονων, και υψωσε ταπεινους.
53. πεινωντας ενεπλησεν αγαθων, και πλουτουντας εξαπεστειλε κενους.
54. αντελαβετο Ισραηλ παιδος αυτου, μνησθηναι ελεους
55. καθως ελαλησε προς τους πατερας ημων τω Αβρααμ και τω σπερματι αυτου εις τον αιωνα.
56. :Εμεινε δε Μαριαμ συν αυτη ωσει μηνας τρεις, και υπεστρεψεν εις τον οικον αυτης.
57. Τη δε Ελισαβετ επλησθη ο χρονος του τεκειν αυτην, και εγεννησεν υιον.
58. και ηκουσαν οι περιοικοι και οι συγγενεις αυτης οτι εμεγαλυνε Κυριος το ελεος αυτου μετ αυτης, και συνεχαιρον αυτη.
59. και εγενετο εν τη ογδοη ημερα, ηλθον περιτεμειν το παιδιον και εκαλουν αυτο επι τω ονοματι του πατρος αυτου Ζαχαριαν.
60. και αποκριθεισα η μητηρ αυτου ειπεν, Ουχι, αλλα κληθησεται Ιωαννης.
61. και ειπον προς αυτην οτι Ουδεις εστιν εν τη συγγενεια σου ος καλειται τω ονοματι τουτω.
62. ενενευον δε τω πατρι αυτου, το τι αν θελοι καλεισθαι αυτον.
63. και αιτησας πινακιδιον εγραψε, λεγων, Ιωαννης εστι το ονομα αυτου και εθαυμασαν παντες.
64. ανεωχθη δε το στομα αυτου παραχρημα και η γλωσσα αυτου, και ελαλει ευλογων τον Θεον.
65. και εγενετο επι παντας φοβος τους περιοικουντας αυτους και εν ολη τη ορεινη της Ιουδαιας διελαλειτο παντα τα ρηματα ταυτα
66. και εθεντο παντες οι ακουσαντες εν τη καρδια αυτων, λεγοντες, Τι αρα το παιδιον τουτο εσται και χειρ Κυριου ην μετ αυτου.
67. Και Ζαχαριας ο πατηρ αυτου επλησθη Πνευματος Αγιου, και προεφητευσε, λεγων,
68. Ευλογητος Κυριος ο Θεος του Ισραηλ, οτι επεσκεψατο και εποιησε λυτρωσιν τω λαω αυτου,
69. και ηγειρε κερας σωτηριας ημιν εν τω οικω Δαβιδ του παιδος αυτου.
70. καθως ελαλησε δια στοματος των αγιων των απ αιωνος προφητων αυτου,
71. σωτηριαν εξ εχθρων ημων, και εκ χειρος παντων των μισουντων ημας
72. ποιησαι ελεος μετα των πατερων ημων, και μνησθηναι διαθηκης αγιας αυτου,
73. ορκον ον ωμοσε προς Αβρααμ τον πατερα ημων,
74. του δουναι ημιν, αφοβως, εκ χειρος των εχθρων ημων ρυσθεντας, λατρευειν αυτω
75. εν οσιοτητι και δικαιοσυνη ενωπιον αυτου πασας τας ημερας της ζωης ημων.
76. και συ, παιδιον, προφητης υψιστου κληθηση προπορευση γαρ προ προσωπου Κυριου ετοιμασαι οδους αυτου
77. του δουναι γνωσιν σωτηριας τω λαω αυτου εν αφεσει αμαρτιων αυτων,
78. δια σπλαγχνα ελεους Θεου ημων, εν οις επεσκεψατο ημας ανατολη εξ υψους,
79. επιφαναι τοις εν σκοτει και σκια θανατου καθημενοις, του κατευθυναι τους ποδας ημων εις οδον ειρηνης.
80. Το δε παιδιον ηυξανε και εκραταιουτο πνευματι, και ην εν ταις ερημοις εως ημερας αναδειξεως αυτου προς τον Ισραηλ.
| 
