Αποκάλυψη, Chapter 17

1. Και ηλθεν εις εκ των επτα αγγελων των εχοντων τας επτα φιαλας, και ελαλησε μετ εμου, λεγων μοι, Δευρο, δειξω σοι το κριμα της πορνης της μεγαλης, της καθημενης επι των υδατων των πολλων    2. μεθ ης επορνευσαν οι βασιλεις της γης, και εμεθυσθησαν εκ του οινου της πορνειας αυτης οι κατοικουντες την γην.    3. και απηνεγκε με εις ερημον εν Πνευματι και ειδον γυναικα καθημενην επι θηριον κοκκινον, γεμον ονοματων βλασφημιας, εχον κεφαλας επτα και κερατα δεκα.    4. και η γυνη ην περιβεβλημενη πορφυρα και κοκκινω, και κεχρυσωμενη χρυσω και λιθω τιμιω και μαργαριταις, εχουσα χρυσουν ποτηριον εν τη χειρι αυτης, γεμον βδελυγματων και ακαθαρτητος πορνειας αυτης,    5. και επι το μετωπον αυτης ονομα γεγραμμενον, Μυστηριον, Βαβυλων η μεγαλη, η μητηρ των πορνων και των βδελυγματων της γης.    6. και ειδον την γυναικα μεθυουσαν εκ του αιματος των αγιων, και εκ του αιματος των μαρτυρων Ιησου. και εθαυμασα ιδων αυτην θαυμα μεγα.    7. και ειπε μοι ο αγγελος, Διατι εθαυμασας εγω σοι ερω το μυστηριον της γυναικος, και του θηριου του βασταζοντος αυτην, του εχοντος τας επτα κεφαλας και τα δεκα κερατα.    8. το θηριον, ο ειδες, ην, και ουκ εστι, και μελλει αναβαινειν εκ της αβυσσου, και εις απωλειαν υπαγειν και θαυμασονται οι κατοικουντες επι της γης, ων ου γεγραπται τα ονοματα επι το βιβλιον της ζωης, απο καταβολης κοσμου, βλεποντες το θηριον ο, τι ην, και ουκ εστι, καιπερ εστιν.    9. ωδε ο νους ο εχων σοφιαν. αι επτα κεφαλαι ορη εισιν επτα οπου η γυνη καθηται επ αυτων.    10. και βασιλεις επτα εισιν οι πεντε επεσαν και ο εις εστιν ο αλλος ουπω ηλθεν και οταν ελθη ολιγον αυτον δει μειναι    11. και το θηριον ο ην, και ουκ εστι, και αυτος ογδοος εστι, και εκ των επτα εστι, και εις απωλειαν υπαγει.    12. και τα δεκα κερατα, α ειδες, δεκα βασιλεις εισιν, οιτινες βασιλειαν ουπω ελαβον, αλλ εξουσιαν ως βασιλεις μιαν ωραν λαμβανουσι μετα του θηριου.    13. ουτοι μιαν γνωμην εχουσι, και την δυναμιν και την εξουσιαν εαυτων τω θηριω διαδιδωσουσιν.    14. ουτοι μετα του αρνιου πολεμησουσι, και το αρνιον νικησει αυτους, οτι Κυριος κυριων εστι και βασιλευς βασιλεων, και οι μετ αυτου κλητοι και εκλεκτοι και πιστοι.    15. και λεγει μοι, Τα υδατα α ειδες, ου η πορνη καθηται, λαοι και οχλοι εισι, και εθνη και γλωσσαι.    16. και τα δεκα κερατα, α ειδες επι το θηριον, ουτοι μισησουσι την πορνην, και ηρημωμενην ποιησουσιν αυτην και γυμνην, και τας σαρκας αυτης φαγονται, και αυτην κατακαυσουσιν εν πυρι.    17. ο γαρ Θεος εδωκεν εις τας καρδιας αυτων ποιησαι την γνωμην αυτου, και ποιησαι μιαν γνωμην, και δουναι την βασιλειαν αυτων τω θηριω, αχρι τελεσθη τα ρηματα του Θεου.    18. και η γυνη, ην ειδες, εστιν η πολις η μεγαλη η εχουσα βασιλειαν επι των βασιλεων της γης.