Αποκάλυψη, Chapter 21

1. Και ειδον ουρανον καινον και γην καινην ο γαρ πρωτος ουρανος και η πρωτη γη παρηλθε, και η θαλασσα ουκ εστιν ετι.    2. και εγω Ιωαννης ειδον την πολιν την αγιαν Ιερουσαλημ καινην, καταβαινουσαν απο του Θεου εκ του ουρανου, ητοιμασμενην ως νυμφην κεκοσμημενην τω ανδρι αυτης.    3. και ηκουσα φωνης μεγαλης εκ του ουρανου, λεγουσης, Ιδου, η σκηνη του Θεου μετα των ανθρωπων, και σκηνωσει μετ αυτων, και αυτοι λαοι αυτου εσονται, και αυτος ο Θεος εσται μετ αυτων, Θεος αυτων    4. και εξαλειψει ο Θεος παν δακρυον απο των οφθαλμων αυτων, και ο θανατος ουκ εσται ετι ουτε πενθος, ουτε κραυγη, ουτε πονος, ουκ εσται ετι οτι τα πρωτα απηλθον.    5. και ειπεν ο καθημενος επι του θρονου, Ιδου, καινα παντα ποιω. και λεγει μοι, Γραψον οτι ουτοι οι λογοι αληθινοι και πιστοι εισι.    6. και ειπε μοι, Γεγονε. εγω ειμι το Α και το Ω, η αρχη και το τελος. εγω τω διψωντι δωσω εκ της πηγης του υδατος της ζωης δωρεαν.    7. ο νικων κληρονομησει παντα, και εσομαι αυτω Θεος, και αυτος εσται μοι ο υιος.    8. δειλοις δε και απιστοις και εβδελυγμενοις και φονευσι και πορνοις και φαρμακευσι και ειδωλολατραις και πασι τοις ψευδεσι το μερος αυτων εν τη λιμνη τη καιομενη πυρι και θειω, ο εστι δευτερος θανατος.    9. Και ηλθε προς με εις των επτα αγγελων των εχοντων τας επτα φιαλας τας γεμουσας των επτα πληγων των εσχατων, και ελαλησε μετ εμου, λεγων, Δευρο, δειξω σοι την νυμφην του αρνιου την γυναικα.    10. και απηνεγκε με εν Πνευματι επ ορος μεγα και υψηλον, και εδειξε μοι την πολιν την μεγαλην, την αγιαν Ιερουσαλημ, καταβαινουσαν εκ του ουρανου απο του Θεου,    11. εχουσαν την δοξαν του Θεου και ο φωστηρ αυτης ομοιος λιθω τιμιωτατω ως λιθω ιασπιδι κρυσταλλιζοντι    12. εχουσαν τε τειχος μεγα και υψηλον, εχουσαν πυλωνας δωδεκα, και επι τοις πυλωσιν αγγελους δωδεκα, και ονοματα επιγεγραμμενα, α εστι των δωδεκα φυλων των υιων Ισραηλ.    13. απ ανατολης πυλωνες τρεις απο βορρα, πυλωνες τρεις απο νοτου, πυλωνες τρεις και απο δυσμων, πυλωνες τρεις.    14. και το τειχος της πολεως εχον θεμελιους δωδεκα, και εν αυτοις ονοματα των δωδεκα αποστολων του αρνιου.    15. και ο λαλων μετ εμου ειχε καλαμον χρυσουν, ινα μετρηση την πολιν, και τους πυλωνας αυτης, και το τειχος αυτης.    16. και η πολις τετραγωνος κειται, και το μηκος αυτης τοσουτον εστιν οσον και το πλατος. και εμετρησε την πολιν τω καλαμω επι σταδιων δωδεκα χιλιαδων το μηκος και το πλατος και το υψος αυτης ισα εστι.    17. και εμετρησε το τειχος αυτης εκατον τεσσαρακοντα τεσσαρων πηχων, μετρον ανθρωπου, ο εστιν αγγελου.    18. και ην η ενδομησις του τειχους αυτης, ιασπις και η πολις χρυσιον καθαρον, ομοια υαλω καθαρω.    19. και οι θεμελιοι του τειχους της πολεως παντι λιθω τιμιω κεκοσμημενοι. ο θεμελιος ο πρωτος, ιασπις ο δευτερος, σαπφειρος ο τριτος, χαλκηδων ο τεταρτος, σμαραγδος    20. ο πεμπτος, σαρδονυξ ο εκτος, σαρδιος ο εβδομος, χρυσολιθος ο ογδοος, βηρυλλος ο εννατος, τοπαζιον ο δεκατος, χρυσοπρασος ο ενδεκατος, υακινθος ο δωδεκατος, αμεθυστος.    21. και οι δωδεκα πυλωνες, δωδεκα μαργαριται ανα εις εκαστος των πυλωνων ην εξ ενος μαργαριτου και η πλατεια της πολεως χρυσιον καθαρον, ως υαλος διαφανης.    22. και ναον ουκ ειδον εν αυτη ο γαρ Κυριος ο Θεος ο παντοκρατωρ ναος αυτης εστι, και το αρνιον.    23. και η πολις ου χρειαν εχει του ηλιου, ουδε της σεληνης, ινα φαινωσιν εν αυτη η γαρ δοξα του Θεου εφωτισεν αυτην, και ο λυχνος αυτης το αρνιον    24. και τα εθνη των σωζομενων εν τω φωτι αυτης περιπατησουσι και οι βασιλεις της γης φερουσι την δοξαν και την τιμην αυτων εις αυτην    25. και οι πυλωνες αυτης ου μη κλεισθωσιν ημερας νυξ γαρ ουκ εσται εκει    26. και οισουσι την δοξαν και την τιμην των εθνων εις αυτην    27. και ου μη εισελθη εις αυτην παν κοινουν, και ποιουν βδελυγμα και ψευδος ει μη οι γεγραμμενοι εν τω βιβλιω της ζωης του αρνιου.