|
|
Ρωμαίους, Chapter 5
1. Δικαιωθεντες ουν εκ πιστεως, ειρηνην εχομεν προς τον Θεον δια του Κυριου ημων Ιησου Χριστου,
2. δι ου και την προσαγωγην εσχηκαμεν τη πιστει εις την χαριν ταυτην εν η εστηκαμεν, και καυχωμεθα επ ελπιδι της δοξης του Θεου.
3. ου μονον δε, αλλα και καυχωμεθα εν ταις θλιψεσιν, ειδοτες οτι η θλιψις υπομονην κατεργαζεται,
4. η δε υπομονη δοκιμην, η δε δοκιμη ελπιδα
5. η δε ελπις ου καταισχυνει, οτι η αγαπη του Θεου εκκεχυται εν ταις καρδιαις ημων δια Πνευματος Αγιου του δοθεντος ημιν
6. ετι γαρ Χριστος, οντων ημων ασθενων, κατα καιρον υπερ ασεβων απεθανε.
7. μολις γαρ υπερ δικαιου τις αποθανειται υπερ γαρ του αγαθου ταχα τις και τολμα αποθανειν.
8. συνιστησι δε την εαυτου αγαπην εις ημας ο Θεος, οτι ετι αμαρτωλων οντων ημων Χριστος υπερ ημων απεθανε.
9. πολλω ουν μαλλον, δικαιωθεντες νυν εν τω αιματι αυτου, σωθησομεθα δι αυτου απο της οργης.
10. ει γαρ εχθροι οντες κατηλλαγημεν τω Θεω δια του θανατου του υιου αυτου, πολλω μαλλον καταλλαγεντες σωθησομεθα εν τη ζωη αυτου
11. ου μονον δε, αλλα και καυχωμενοι εν τω Θεω δια του Κυριου ημων Ιησου Χριστου, δι ου νυν την καταλλαγην ελαβομεν.
12. Δια τουτο, ωσπερ δι ενος ανθρωπου η αμαρτια εις τον κοσμον εισηλθε, και δια της αμαρτιας ο θανατος, και ουτως εις παντας ανθρωπους ο θανατος διηλθεν, εφ ω παντες ημαρτον
13. αχρι γαρ νομου αμαρτια ην εν κοσμω αμαρτια δε ουκ ελλογειται, μη οντος νομου
14. αλλ εβασιλευσεν ο θανατος απο Αδαμ μεχρι Μωσεως και επι τους μη αμαρτησαντας επι τω ομοιωματι της παραβασεως Αδαμ, ος εστι τυπος του μελλοντος.
15. αλλ ουχ ως το παραπτωμα, ουτω και το χαρισμα. ει γαρ τω του ενος παραπτωματι οι πολλοι απεθανον, πολλω μαλλον η χαρις του Θεου και η δωρεα εν χαριτι τη του ενος ανθρωπου Ιησου Χριστου εις τους πολλους επερισσευσε.
16. και ουχ ως δι ενος αμαρτησαντος το δωρημα το μεν γαρ κριμα εξ ενος εις κατακριμα, το δε χαρισμα εκ πολλων παραπτωματων εις δικαιωμα.
17. ει γαρ τω του ενος παραπτωματι ο θανατος εβασιλευσε δια του ενος, πολλω μαλλον οι την περισσειαν της χαριτος και της δωρεας της δικαιοσυνης λαμβανοντες εν ζωη βασιλευσουσι δια του ενος Ιησου Χριστου.
18. αρα ουν ως δι ενος παραπτωματος εις παντας ανθρωπους εις κατακριμα, ουτω και δι ενος δικαιωματος εις παντας ανθρωπους εις δικαιωσιν ζωης.
19. ωσπερ γαρ δια της παρακοης του ενος ανθρωπου αμαρτωλοι κατεσταθησαν οι πολλοι, ουτω και δια της υπακοης του ενος δικαιοι κατασταθησονται οι πολλοι.
20. νομος δε παρεισηλθεν, ινα πλεοναση το παραπτωμα ου δε επλεονασεν η αμαρτια, υπερεπερισσευσεν η χαρις
21. ινα ωσπερ εβασιλευσεν η αμαρτια εν τω θανατω, ουτω και η χαρις βασιλευση δια δικαιοσυνης εις ζωην αιωνιον, δια Ιησου Χριστου του Κυριου ημων.
|
|
Text source: SCR - Textus Receptus -- The F. H. A. Scrivener 1894- Theodore Beza 1598 Greek New Testament (SCR), unaccented text, ASCII edition Copyright (c) 1994 by the Online Bible Foundation and Woodside Fellowship of Ontario, Canada. Accenting added by BibleWorks. The SCR Textus Receptus, critically edited and prepared by F.H.A. Scrivener in 1894, is substantially that of the Byzantine Western text-type Codex Bezae, critically edited by Theodore Beza in 1598. [ref: pg. 892 pg. 126, The New International Dictionary of the Christian Church, 1974, Gen. Ed. J.D. Douglas]. This Scrivener 1894 Greek New Testament replaces the Scrivener s Greek NT (called GNS) in BibleWorks versions 3.5 and prior [GNS ASCII edition Copyright (c) 1992 by Dr. Kirk D. DiVietro, Grace Baptist Church]. SCR ASCII Copyright (c) 1998-1999 BibleWorks, LLC.
|
| |
| This project is based on delivering free-of-charge the Word of the Lord in all the world by using electronic means. If you want to contact us, you can do this by writing to the following e-mail: bible-study.xyz@hotmail.com |
|
|
|
SELECT VERSION
COMPARE WITH OTHER BIBLES
|
|
