א. למנצח בנגינות על השמינית מזמור לדוד יהוה אל באפך תוכיחני ואל בחמתך תיסרני:
ב. חנני יהוה כי אמלל אני רפאני יהוה כי נבהלו עצמי:
ג. ונפשי נבהלה מאד ואת יהוה עד מתי:
ד. שובה יהוה חלצה נפשי הושיעני למען חסדך:
ה. כי אין במות זכרך בשאול מי יודה לך:
ו. יגעתי באנחתי אשחה בכל לילה מטתי בדמעתי ערשי אמסה:
ז. עששה מכעס עיני עתקה בכל צוררי:
ח. סורו ממני כל פעלי און כי שמע יהוה קול בכיי:
ט. שמע יהוה תחנתי יהוה תפלתי יקח:
י. יבשו ויבהלו מאד כל איבי ישבו יבשו רגע:
| 
