א. א וימן יהוה דג גדול לבלע את יונה ויהי יונה במעי הדג שלשה ימים ושלשה לילות
ב. ב ויתפלל יונה אל יהוה אלהיו ממעי הדגה
ג. ג ויאמר קראתי מצרה לי אל יהוה--ויענני מבטן שאול שועתי שמעת קולי
ד. ד ותשליכני מצולה בלבב ימים ונהר יסבבני כל משבריך וגליך עלי עברו
ה. ה ואני אמרתי נגרשתי מנגד עיניך אך אוסיף להביט אל היכל קדשך
ו. ו אפפוני מים עד נפש תהום יסבבני סוף חבוש לראשי
ז. ז לקצבי הרים ירדתי הארץ ברחיה בעדי לעולם ותעל משחת חיי יהוה אלהי
ח. ח בהתעטף עלי נפשי את יהוה זכרתי ותבוא אליך תפלתי אל היכל קדשך
ט. ט משמרים הבלי שוא--חסדם יעזבו
י. י ואני בקול תודה אזבחה לך אשר נדרתי אשלמה ישועתה ליהוה {ס} [ (Jonah 2:11) יא ויאמר יהוה לדג ויקא את יונה אל היבשה {פ} ]
| 
