א. א ואלה מלכי הארץ אשר הכו בני ישראל וירשו את ארצם בעבר הירדן מזרחה השמש--מנחל ארנון עד הר חרמון וכל הערבה מזרחה
ב. ב סיחון מלך האמרי היושב בחשבון--משל מערוער אשר על שפת נחל ארנון ותוך הנחל וחצי הגלעד ועד יבק הנחל גבול בני עמון
ג. ג והערבה עד ים כנרות מזרחה ועד ים הערבה ים המלח מזרחה דרך בית הישמות ומתימן--תחת אשדות הפסגה
ד. ד וגבול עוג מלך הבשן מיתר הרפאים--היושב בעשתרות ובאדרעי
ה. ה ומשל בהר חרמון ובסלכה ובכל הבשן עד גבול הגשורי והמעכתי וחצי הגלעד--גבול סיחון מלך חשבון
ו. ו משה עבד יהוה ובני ישראל הכום ויתנה משה עבד יהוה ירשה לראובני ולגדי ולחצי שבט המנשה {ס}
ז. ז ואלה מלכי הארץ אשר הכה יהושע ובני ישראל בעבר הירדן ימה מבעל גד בבקעת הלבנון ועד ההר החלק העלה שעירה ויתנה יהושע לשבטי ישראל ירשה--כמחלקתם
ח. ח בהר ובשפלה ובערבה ובאשדות ובמדבר ובנגב--החתי האמרי והכנעני הפרזי החוי והיבוסי {ש}
ט. ט מלך יריחו {ס} אחד {ס} מלך העי אשר מצד בית אל {ס} אחד {ר}
י. י מלך ירושלם {ס} אחד {ס} מלך חברון {ס} אחד {ר}
יא. יא מלך ירמות {ס} אחד {ס} מלך לכיש {ס} אחד {ר}
יב. יב מלך עגלון {ס} אחד {ס} מלך גזר {ס} אחד {ר}
יג. יג מלך דבר {ס} אחד {ס} מלך גדר {ס} אחד {ר}
יד. יד מלך חרמה {ס} אחד {ס} מלך ערד {ס} אחד {ר}
טו. טו מלך לבנה {ס} אחד {ס} מלך עדלם {ס} אחד {ר}
טז. טז מלך מקדה {ס} אחד {ס} מלך בית אל {ס} אחד {ר}
יז. יז מלך תפוח {ס} אחד {ס} מלך חפר {ס} אחד {ר}
יח. יח מלך אפק {ס} אחד {ס} מלך לשרון {ס} אחד {ר}
יט. יט מלך מדון {ס} אחד {ס} מלך חצור {ס} אחד {ר}
כ. כ מלך שמרון מראון {ס} אחד {ס} מלך אכשף {ס} אחד {ר}
כא. כא מלך תענך {ס} אחד {ס} מלך מגדו {ס} אחד {ר}
כב. כב מלך קדש {ס} אחד {ס} מלך יקנעם לכרמל {ס} אחד {ר}
כג. כג מלך דור לנפת דור {ס} אחד {ס} מלך גוים לגלגל {ס} אחד {ר}
כד. כד מלך תרצה {ס} אחד {ס} כל מלכים שלשים {ס} ואחד {ר} {ש}
| 
