א. א למנצח על-השמינית מזמור לדוד
ב. ב הושיעה יהוה כי-גמר חסיד כי-פסו אמונים מבני אדם
ג. ג שוא ידברו--איש את-רעהו שפת חלקות--בלב ולב ידברו
ד. ד יכרת יהוה כל-שפתי חלקות-- לשון מדברת גדלות
ה. ה אשר אמרו ללשננו נגביר--שפתינו אתנו מי אדון לנו
ו. ו משד עניים מאנקת אביונים עתה אקום יאמר יהוה אשית בישע יפיח לו
ז. ז אמרות יהוה אמרות טהרות כסף צרוף בעליל לארץ מזקק שבעתים
ח. ח אתה-יהוה תשמרם תצרנו מן-הדור זו לעולם [ (Psalms 12:9) ט סביב רשעים יתהלכון כרם זלות לבני אדם ]
| 
