א. א על נהרות בבל--שם ישבנו גם-בכינו בזכרנו את-ציון
ב. ב על-ערבים בתוכה-- תלינו כנרותינו
ג. ג כי שם שאלונו שובינו דברי-שיר-- ותוללינו שמחה שירו לנו משיר ציון
ד. ד איך--נשיר את-שיר-יהוה על אדמת נכר
ה. ה אם-אשכחך ירושלם-- תשכח ימיני
ו. ו תדבק-לשוני לחכי-- אם-לא אזכרכי אם-לא אעלה את-ירושלם-- על ראש שמחתי
ז. ז זכר יהוה לבני אדום-- את יום ירושלם האמרים ערו ערו-- עד היסוד בה
ח. ח בת-בבל השדודה אשרי שישלם-לך-- את-גמולך שגמלת לנו
ט. ט אשרי שיאחז ונפץ את-עלליך-- אל-הסלע
| 
