ב. ב יהוה בעזך ישמח-מלך ובישועתך מה-יגיל (יגל) מאד
ג. ג תאות לבו נתתה לו וארשת שפתיו בל-מנעת סלה
ד. ד כי-תקדמנו ברכות טוב תשית לראשו עטרת פז
ה. ה חיים שאל ממך--נתתה לו ארך ימים עולם ועד
ו. ו גדול כבודו בישועתך הוד והדר תשוה עליו
ז. ז כי-תשיתהו ברכות לעד תחדהו בשמחה את-פניך
ח. ח כי-המלך בטח ביהוה ובחסד עליון בל-ימוט
ט. ט תמצא ידך לכל-איביך ימינך תמצא שנאיך
י. י תשיתמו כתנור אש-- לעת פניך יהוה באפו יבלעם ותאכלם אש
יא. יא פרימו מארץ תאבד וזרעם מבני אדם
יב. יב כי-נטו עליך רעה חשבו מזמה בל-יוכלו
יג. יג כי תשיתמו שכם במיתריך תכונן על-פניהם [ (Psalms 21:14) יד רומה יהוה בעזך נשירה ונזמרה גבורתך ]
| 
