ב. ב בך-יהוה חסיתי אל-אבושה לעולם בצדקתך פלטני
ג. ג הטה אלי אזנך-- מהרה הצילני היה לי לצור-מעוז--לבית מצודות להושיעני
ד. ד כי-סלעי ומצודתי אתה ולמען שמך תנחני ותנהלני
ה. ה תוציאני--מרשת זו טמנו לי כי-אתה מעוזי
ו. ו בידך אפקיד רוחי פדית אותי יהוה--אל אמת
ז. ז שנאתי השמרים הבלי-שוא ואני אל-יהוה בטחתי
ח. ח אגילה ואשמחה בחסדך אשר ראית את-עניי ידעת בצרות נפשי
ט. ט ולא הסגרתני ביד-אויב העמדת במרחב רגלי
י. י חנני יהוה כי צר-לי עששה בכעס עיני נפשי ובטני
יא. יא כי כלו ביגון חיי-- ושנותי באנחה כשל בעוני כחי ועצמי עששו
יב. יב מכל-צררי הייתי חרפה ולשכני מאד-- ופחד למידעי ראי בחוץ-- נדדו ממני
יג. יג נשכחתי כמת מלב הייתי ככלי אבד
יד. יד כי שמעתי דבת רבים-- מגור מסביב בהוסדם יחד עלי לקחת נפשי זממו
טו. טו ואני עליך בטחתי יהוה אמרתי אלהי אתה
טז. טז בידך עתתי הצילני מיד-אויבי ומרדפי
יז. יז האירה פניך על-עבדך הושיעני בחסדך
יח. יח יהוה--אל-אבושה כי קראתיך יבשו רשעים ידמו לשאול
יט. יט תאלמנה שפתי-שקר הדברות על-צדיק עתק--בגאוה ובוז
כ. כ מה רב-טובך אשר-צפנת ליראיך פעלת לחסים בך נגד בני אדם
כא. כא תסתירם בסתר פניך-- מרכסי-איש תצפנם בסכה מריב לשנות
כב. כב ברוך יהוה כי הפליא חסדו לי בעיר מצור
כג. כג ואני אמרתי בחפזי-- נגרזתי מנגד עיניך אכן--שמעת קול תחנוני בשועי אליך
כד. כד אהבו את-יהוה כל-חסידיו אמונים נצר יהוה ומשלם על-יתר עשה גאוה [ (Psalms 31:25) כה חזקו ויאמץ לבבכם-- כל-המיחלים ליהוה ]
| 
