א. א למנצח אל-תשחת לדוד מכתם
ב. ב האמנם--אלם צדק תדברון מישרים תשפטו בני אדם
ג. ג אף-בלב עולת תפעלון בארץ--חמס ידיכם תפלסון
ד. ד זרו רשעים מרחם תעו מבטן דברי כזב
ה. ה חמת-למו כדמות חמת-נחש כמו-פתן חרש יאטם אזנו
ו. ו אשר לא-ישמע לקול מלחשים חובר חברים מחכם
ז. ז אלהים--הרס שנימו בפימו מלתעות כפירים נתץ יהוה
ח. ח ימאסו כמו-מים יתהלכו-למו ידרך חצו כמו יתמללו
ט. ט כמו שבלול תמס יהלך נפל אשת בל-חזו שמש
י. י בטרם יבינו סירתכם אטד כמו-חי כמו-חרון ישערנו
יא. יא ישמח צדיק כי-חזה נקם פעמיו ירחץ בדם הרשע [ (Psalms 58:12) יב ויאמר אדם אך-פרי לצדיק אך יש-אלהים שפטים בארץ ]
| 
