א. א למנצח על-שושן עדות מכתם לדוד ללמד
ב. ב בהצותו את ארם נהרים-- ואת-ארם צובה וישב יואב ויך את-אדום בגיא-מלח-- שנים עשר אלף
ג. ג אלהים זנחתנו פרצתנו אנפת תשובב לנו
ד. ד הרעשתה ארץ פצמתה רפה שבריה כי-מטה
ה. ה הראית עמך קשה השקיתנו יין תרעלה
ו. ו נתתה ליראיך נס להתנוסס-- מפני קשט סלה
ז. ז למען יחלצון ידידיך הושיעה ימינך ועננו (וענני)
ח. ח אלהים דבר בקדשו--אעלזה אחלקה שכם ועמק סכות אמדד
ט. ט לי גלעד ולי מנשה ואפרים מעוז ראשי יהודה מחקקי
י. י מואב סיר רחצי--על-אדום אשליך נעלי עלי פלשת התרועעי
יא. יא מי יבלני עיר מצור מי נחני עד-אדום
יב. יב הלא-אתה אלהים זנחתנו ולא-תצא אלהים בצבאותינו [ (Psalms 60:13) יג הבה-לנו עזרת מצר ושוא תשועת אדם ] [ (Psalms 60:14) יד באלהים נעשה-חיל והוא יבוס צרינו ]
| 
