א. א למנצח על-ידותון-- מזמור לדוד
ב. ב אך אל-אלהים דומיה נפשי ממנו ישועתי
ג. ג אך-הוא צורי וישועתי משגבי לא-אמוט רבה
ד. ד עד-אנה תהותתו על-איש-- תרצחו כלכם כקיר נטוי גדר הדחויה
ה. ה אך משאתו יעצו להדיח-- ירצו כזב בפיו יברכו ובקרבם יקללו-סלה
ו. ו אך לאלהים דומי נפשי כי-ממנו תקותי
ז. ז אך-הוא צורי וישועתי משגבי לא אמוט
ח. ח על-אלהים ישעי וכבודי צור-עזי מחסי באלהים
ט. ט בטחו בו בכל-עת עם-- שפכו-לפניו לבבכם אלהים מחסה-לנו סלה
י. י אך הבל בני-אדם-- כזב בני-איש במאזנים לעלות המה מהבל יחד
יא. יא אל-תבטחו בעשק ובגזל אל-תהבלו חיל כי-ינוב-- אל-תשיתו לב
יב. יב אחת דבר אלהים--שתים-זו שמעתי כי עז לאלהים [ (Psalms 62:13) יג ולך-אדני חסד כי-אתה תשלם לאיש כמעשהו ]
| 
