א. א למנצח מזמור לדוד שיר
ב. ב לך דמיה תהלה אלהים בציון ולך ישלם-נדר
ג. ג שמע תפלה-- עדיך כל-בשר יבאו
ד. ד דברי עונת גברו מני פשעינו אתה תכפרם
ה. ה אשרי תבחר ותקרב-- ישכן חצריך נשבעה בטוב ביתך קדש היכלך
ו. ו נוראות בצדק תעננו-- אלהי ישענו מבטח כל-קצוי-ארץ וים רחקים
ז. ז מכין הרים בכחו נאזר בגבורה
ח. ח משביח שאון ימים--שאון גליהם והמון לאמים
ט. ט וייראו ישבי קצות--מאותתיך מוצאי בקר וערב תרנין
י. י פקדת הארץ ותשקקה רבת תעשרנה-- פלג אלהים מלא מים תכין דגנם כי-כן תכינה
יא. יא תלמיה רוה נחת גדודה ברביבים תמגגנה צמחה תברך
יב. יב עטרת שנת טובתך ומעגליך ירעפון דשן
יג. יג ירעפו נאות מדבר וגיל גבעות תחגרנה [ (Psalms 65:14) יד לבשו כרים הצאן-- ועמקים יעטפו-בר יתרועעו אף-ישירו ]
| 
