א. א למנצח אל-תשחת מזמור לאסף שיר
ב. ב הודינו לך אלהים--הודינו וקרוב שמך ספרו נפלאותיך
ג. ג כי אקח מועד אני מישרים אשפט
ד. ד נמגים ארץ וכל-ישביה אנכי תכנתי עמודיה סלה
ה. ה אמרתי להוללים אל-תהלו ולרשעים אל-תרימו קרן
ו. ו אל-תרימו למרום קרנכם תדברו בצואר עתק
ז. ז כי לא ממוצא וממערב ולא ממדבר הרים
ח. ח כי-אלהים שפט זה ישפיל וזה ירים
ט. ט כי כוס ביד-יהוה ויין חמר מלא מסך-- ויגר מזה אך-שמריה ימצו ישתו כל רשעי-ארץ
י. י ואני אגיד לעלם אזמרה לאלהי יעקב [ (Psalms 75:11) יא וכל-קרני רשעים אגדע תרוממנה קרנות צדיק ]
| 
