א. א למנצח בנגינת מזמור לאסף שיר
ב. ב נודע ביהודה אלהים בישראל גדול שמו
ג. ג ויהי בשלם סוכו ומעונתו בציון
ד. ד שמה שבר רשפי-קשת מגן וחרב ומלחמה סלה
ה. ה נאור אתה אדיר-- מהררי-טרף
ו. ו אשתוללו אבירי לב-- נמו שנתם ולא-מצאו כל-אנשי-חיל ידיהם
ז. ז מגערתך אלהי יעקב נרדם ורכב וסוס
ח. ח אתה נורא אתה--ומי-יעמד לפניך מאז אפך
ט. ט משמים השמעת דין ארץ יראה ושקטה
י. י בקום-למשפט אלהים-- להושיע כל-ענוי-ארץ סלה
יא. יא כי-חמת אדם תודך שארית חמת תחגר
יב. יב נדרו ושלמו ליהוה אלהיכם כל-סביביו--יבילו שי למורא [ (Psalms 76:13) יג יבצר רוח נגידים נורא למלכי-ארץ ]
| 
